മുസാഫര് നഗര്: മുസാഫര് നഗര് കലാപത്തെക്കുറിച്ച് അന്വേഷിച്ച പ്രത്യേക അന്വേഷണ സംഘം 13 പേര്ക്ക് കുറ്റപത്രം നല്കി. ഇതില് ഒരു ദല്ഹി പോലീസ് കോണ്സ്റ്റബിളും ഉള്പ്പെടും.
പ്രത്യേക അന്വേഷണ സംഘത്തിന്റെ ഇന്സ്പെക്ടര് രാം രത്നന് സിംഗാണ് കുറ്റപത്രം സമര്പ്പിച്ചത്.
13 പേര്ക്കെതിരെ ചീഫ് ജുഡീഷ്യല് മജിസ്ട്രേറ്റ് കോടതിയില് സെക്ഷന് ഐപിസി 395, 436, 153 പ്രകാരമാണ് കുറ്റപത്രം സമര്പ്പിച്ചിട്ടുള്ളത്. ദല്ഹി പോലീസ് കോണ്സ്റ്റബിള് അനുജ് കുമാര്, രാജേന്ദര്, കല, ധര്മേന്ദര്, ബിജേന്ദര്, ഋഷിദേവ്, കിര്ഷന്, ബിട്ടു, ലോകേന്ദര്, നിസു, ബ്രഹ്മ, അമിത് കുമാര്, നരേന്ദര് എന്നിവര്ക്കെതിരെയാണ് കുറ്റപത്രം സമര്പ്പിച്ചത്.
കഴിഞ്ഞ വര്ഷം സപ്തംബറില് മുസാഫര് നഗറിലും സമീപപ്രദേശങ്ങളിലും നടന്ന വര്ഗീയ കലാപത്തില് 60 ലധികം പേര് കൊല്ലപ്പെടുകയും 40000 ത്തിലധികം പേര് ഭവനരഹിതരാവുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: