ചെങ്ങന്നൂര്‍: ഓട്ടോറിക്ഷയില്‍ കടത്താന്‍ ശ്രമിച്ച 35 ലിറ്റര്‍ വ്യാജ ചാരായവുമായ് ഒരാളെ എക്‌സൈസ് സംഘം പിടികൂടി. വല്ലന കരിക്കാട്ടില്‍ പടിഞ്ഞാറേതില്‍ രാജേഷി (28) നെയാണ് എക്‌സൈസ് റേയ്ഞ്ച് ഇന്‍സ്പക്ടര്‍ ജോസ് പ്രതാപിന്റെ നേതൃത്വത്തില്‍ പിടികൂടിയത്. സംഘത്തിന് ലഭിച്ച രഹസ്യവിവരത്തെതുടര്‍ന്ന് ശനിയാഴ്ച രാത്രി പത്തോടെ എംസി റോഡില്‍ കാരയ്‌ക്കാട് ഭാഗത്തുനടത്തിയ പരിശോധനയ്‌ക്കിടയിലാണ് ഇയാള്‍ പിടിയിലായത്. വാഹനവും, കന്നാസില്‍ സൂക്ഷിച്ചിരുന്ന 35 ലിറ്റര്‍ വ്യാജചാരായവും സംഘം കസ്റ്റഡിയില്‍ എടുത്തിട്ടുണ്ട്. ഭാര്യവീടായ എഴിക്കാട് കോളനി കേന്ദ്രീകരിച്ച് വ്യാപക ചാരായവാറ്റു നടക്കുന്നുണ്ടെന്നും, പത്തനംതിട്ട, കെല്ലം ജില്ലയിലെ ആനയടി ഭാഗത്ത് ഇവ വിതരണം ചെയ്യുന്നുണ്ടെന്നും രാജേഷ് സമ്മതിച്ചിട്ടുണ്ട്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Thursday, November 28, 2024
ഓട്ടോറിക്ഷയില്‍ കടത്താന്‍ ശ്രമിച്ച ചാരായവുമായി ഒരാള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: