കായംകുളം: നിരവധി ക്രമിനല്‍ കേസിലെ പ്രതിയെ കായംകുളം എസ്‌ഐ: രജീഷ്‌കുമാറിന്റെ നേതൃത്വത്തിലുള്ള പോലീസ് സംഘം പിടികൂടി. പുതുപ്പള്ളി സ്‌നേഹജാലകത്തില്‍ സുരേഷ് ഏലിയാ മല്ലിക്കാട്ടിനെ (34)യാണ് പിടികൂടിയത്. ദളിത് സ്ത്രീയെ ആക്രമിച്ച കേസ് ഉള്‍പ്പടെ നിരവധി കേസുകളിലെ പ്രതിയാണ് ഇയാള്‍. കുറ്റകൃത്യങ്ങള്‍ ചെയ്തശേഷം രാത്രികാലങ്ങളില്‍ വള്ളത്തിലാണ് ഇയാള്‍ കിടക്കുന്നത്. പോലീസിന് കിട്ടിയ രഹസ്യവിവരത്തിന്റെ അടിസ്ഥാനത്തില്‍ നടത്തിയ തിരച്ചിലിലാണ് ഇയാള്‍ കുടുങ്ങിയത്. പോലീസിനെ കണ്ട് ഇയാള്‍ രക്ഷപ്പെടാന്‍ ശ്രമിച്ചെങ്കിലും വിജയിച്ചില്ല. നീതു, സിയാദ്, ബിജുരാജ്, ശ്യാം, മഹേഷ്, അലക്‌സ് എന്നീ സിപിഒമാരും അന്വേഷണസംഘത്തില്‍ ഉണ്ടായിരുന്നു.
Wednesday, November 27, 2024
നിരവധി ക്രമിനല്‍ കേസുകളിലെ പ്രതിയെ പിടികൂടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: