ഹരിപ്പാട്: ടിപ്പറും കാറും കൂട്ടിയിടിച്ച് കാര്‍ യാത്രക്കാരായ ഓയില്‍ പാം ഇന്ത്യ ചെയര്‍മാനും എസ്‌ജെഡി സംസ്ഥാന ജനറല്‍ സെക്രട്ടറിയുമായ കായംകുളം പുത്തന്‍പുരയില്‍ ഷേക്ക് പി.ഹാരിസി (49)നും കുടുംബത്തിനും പരിക്കേറ്റു. ദേശീയപാതയില്‍ നങ്ങ്യാര്‍കുളങ്ങര ടികെഎംഎം കോളേജിന് സമീപം തിങ്കളാഴ്ച പുലര്‍ച്ചെ മൂന്നരയോടെയായിരുന്നു അപകടം. ഹാരിസിന്റെ ഭാര്യ സുഹറ ഷേക്ക് (35), മകന്‍ സക്കീര്‍ ഹാരിസ് (15) എന്നിവര്‍ക്കാണ് പരിക്കേറ്റത്. ഇവരെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ബംഗളൂരുവിലായിരുന്ന ഹാരിസിനെ നെടുമ്പാശേരിയില്‍ നിന്ന് കാറില്‍ വീട്ടിലേക്ക് കൂട്ടിക്കൊണ്ടു പോകുമ്പോഴായിരുന്നു അപകടം. കോളേജ് ജങ്ഷന് സമീപമുള്ള പെട്രോള്‍ പമ്പിലേക്ക് ടിപ്പര്‍ ലോറി കയറ്റുന്നതിനിടെ കാറില്‍ ഇടിക്കുകയായിരുന്നു. ഓയില്‍ പാം ഇന്ത്യയുടെ ഔദ്യോഗിക കാറാണ് അപകടത്തില്‍പ്പെട്ടത്.
Saturday, November 23, 2024
ടിപ്പറും കാറും കൂട്ടിയിടിച്ച് മൂന്നുപേര്‍ക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: