മാവേലിക്കര: ഇരുവൃക്കകളും തകരാറിലായി ആലപ്പുഴ മെഡിക്കല്‍ കോളേജില്‍ ചികിത്സയില്‍ കഴിയുന്ന വിദ്യാര്‍ത്ഥിയുടെ ചികിത്സയ്‌ക്ക് പണം കണ്ടെത്താന്‍ ഗാനമേള നടത്തുന്നു. ആലപ്പുഴ എസ്ഡി കോളേജ് രണ്ടാം വര്‍ഷ ബോട്ടണി വിദ്യാര്‍ത്ഥി കിരണ്‍ കുമാറിന്റെ ചികിത്സയ്‌ക്കാവശ്യമായ പണം കണ്ടെത്തുന്നതിന് ശില്‍പ്പിയും ചിത്രകാരനും ഗായകനുമായ ജോണ്‍സ് കൊല്ലകടവാണ് ഗാനമേള നടത്തുന്നത്.
ഈമാസം ഒന്‍പതിന് രാവിലെ 10 മുതല്‍ കെഎസ്ആര്‍ടിസി ജങ്ഷനില്‍ അമൃതകിരണം എന്ന പേരിലാണ് പരിപാടി സംഘടിപ്പിച്ചിരിക്കുന്നത്. മജിഷ്യന്‍ സാമ്രാജ് ഗാനമേള ഉദ്ഘാടനം ചെയ്യും. നഗരസഭാ ചെയര്‍മാന്‍ അഡ്വ.കെ.ആര്‍. മുരളീധരന്‍ ജീവകാരുണ്യ പ്രഭാഷണം നടത്തും. ഗാനമേളയിലൂടെ ലഭിക്കുന്ന മുഴുവന്‍ തുകയും മാവേലിക്കര എസ്‌ഐ: പി.മോഹനചന്ദ്രന്‍ കിരണിന്റെ മാതാപിതാക്കള്‍ക്ക് കൈമാറും.
പ്രതികരിക്കാൻ ഇവിടെ എഴുതുക: