ചെങ്ങന്നൂര്‍: മഹാദേവക്ഷേത്രത്തിലെ ദേവിയുടെ തൃപ്പൂത്താറാട്ട് ശനിയാഴ്ച രാവിലെ എട്ടിന് പമ്പാനദിയിലെ മിത്രപ്പുഴക്കടവില്‍ നടക്കും. മലയാളവര്‍ഷത്തെ ആദ്യത്തെ തൃപ്പൂത്താറാട്ടാണ് ശനിയാഴ്ച നടക്കുന്നത്. പ്രായശ്ചിത്തമായി കേണല്‍ മണ്‍ട്രോ സായിപ്പ് നടയ്‌ക്കുവച്ച ആഭരണങ്ങളും അന്നേദിവസം ദേവിക്ക് ചാര്‍ത്തും. ആറാട്ടിന് ശേഷം ഗജവീരന്‍മാരുടെയും, താലപ്പൊലികളുടെയും അകമ്പടിയോടെ ആറാട്ട് ഘോഷയാത്ര കിഴക്കേഗോപുരം കടന്ന് അകത്ത് പ്രവേശിച്ചാലുടന്‍ ശ്രീപരമേശ്വരന്‍ ദേവിയെ എതിരേറ്റ് ക്ഷേത്രത്തിന് വലം വയ്‌ക്കുകയും അകത്തേക്ക് എഴുന്നളളിക്കുകയും ചെയ്യും. തുടര്‍ന്ന് കളഭാഭിഷേകവും നടക്കും. ആറാട്ടുചടങ്ങുകള്‍ക്കും, കളഭാഭിഷേകത്തിനും തന്ത്രി കണ്ഠരര് മഹേശ്വരര്, കണ്ഠരര് മോഹനരര് എന്നിവര്‍ മുഖ്യകാര്‍മ്മികത്വം വഹിക്കും. തൃപ്പൂത്താറാട്ട് ദിവസം നെല്‍പ്പറ, അരിപ്പറ, മഞ്ഞള്‍പ്പറ എന്നിവ സമര്‍പ്പിക്കാന്‍ ഭക്തര്‍ക്ക് സൗകര്യം ഒരുക്കിയിട്ടുണ്ടെന്നും, ആറാട്ടുദിവസം മുതല്‍ പന്ത്രണ്ട് ദിവസം ഹരിദ്രപുഷ്പാഞ്ജലി വഴിപാടും നടക്കുമെന്നും അഡ്മിനിസ്‌ട്രേറ്റീവ് ഓഫീസര്‍ ആര്‍. ജയശ്രീ അറിയിച്ചു.
Monday, November 25, 2024
ചെങ്ങന്നൂര്‍ ദേവിയുടെ തൃപ്പൂത്താറാട്ട് ശനിയാഴ്ച
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: