കഥാപാത്രത്തിന്റെ പൂര്‍ണതയ്‌ക്ക്‌ വേണ്ടി രൂപഭാവങ്ങളില്‍ എന്ത്‌ മാറ്റവും വരുത്താന്‍ തയ്യാറാണെന്ന്‌ തെളിയിച്ചിരിക്കുകയാണ്‌ ദിലീപ്‌ സൗണ്ട്‌ തോമ എന്ന ചിത്രത്തിലൂടെ. പ്ലാപ്പറമ്പില്‍ തോമ യെന്ന മുറിച്ചുണ്ടന്‍ കഥാപാത്രമായി ദിലീപ്‌ എത്തുന്ന ചിത്രത്തില്‍ നമിത പ്രമോദ്‌ നായിക വേഷത്തിലെത്തുന്നു. വൈശാഖ്‌ സംവിധാനം നിര്‍വഹിക്കുന്ന സൗണ്ട്‌ തോമയുടെ കഥയും തിരക്കഥയും തിരക്കഥയും രചിച്ചിരിക്കുന്നത്‌ ബെന്നി പി. നായരമ്പലമാണ്‌. മുറിച്ചുണ്ടനും സുന്ദരിയും മനോഹര ശബ്ദത്തിന്‌ ഉടമയുമായ റേഡിയോ ജോക്കിയും തമ്മിലുള്ള പ്രണയത്തിന്റെ കഥ പറയുന്ന ചിത്രത്തിലൂടെ അച്ഛനും മക്കളും തമ്മിലുള്ള ആത്മ ബന്ധവും കഥ കൂടുതല്‍ ശക്തമാക്കുന്നു.
നെടുമുടി വേണു, സായ്‌ കുമാര്‍, സുരാജ്‌ വെഞ്ഞാറമ്മൂട്‌, ഷിജു തുടങ്ങിയവരാണ്‌ മറ്റ്‌ കഥാപാത്രങ്ങള്‍. മുരുകന്‍ കാട്ടാക്കട, നാദിര്‍ഷ, രാജീവ്‌ ആലുങ്കല്‍, ഗോപീ സുന്ദര്‍ എന്നിവരുടെ വരികള്‍ക്ക്‌ ഈണം നല്‍കിയിരിക്കുന്നത്‌ ഗോപീ സുന്ദറാണ്‌. പ്രിയാഞ്ജലി ഫിലിംസ്‌ വിതരണത്തിനെത്തിക്കുന്ന സൗണ്ട്‌ തോമ നിര്‍മിച്ചിരിക്കുന്നത്‌ അനൂപ്‌.
പ്രതികരിക്കാൻ ഇവിടെ എഴുതുക: