കോട്ടയം: സിനിമാഗാനങ്ങളെയും സിനിമയെയും കുറിച്ച് മലയാളത്തില് പ്രസിദ്ധീകരിച്ച പുസ്തകങ്ങളുടെ പ്രദര്ശനവും വില്പനയും, ‘പാട്ടെഴുത്ത് 2014’ 13 മുതല് 16 വരെ കോട്ടയം സി.എം.എസ.് കോളേജില് നടക്കും. കേരള സംസ്ഥാന ചലച്ചിത്ര അക്കാദമിയും സി.കെ. ജീവന് സ്മാരക ട്രസ്റ്റും സി.എം.എസ.് കോളേജും സംയുക്തമായി സംഘടിപ്പിക്കുന്ന രാകേന്ദു സംഗീതോത്സവത്തിന്റെ ഭാഗമായാണ് നാലു ദിവസം നീണ്ടുനില്ക്കുന്ന പുസ്തകപ്രദര്ശനവും വില്പനയും ഒരുക്കുന്നത്.
മലയാളചലച്ചിത്രഗാനസാഹിത്യം, സിനിമാഗാനങ്ങളുടെ പിന്കഥകള്, പാട്ടനുഭവങ്ങള്, പാട്ടുകാരുടെയും അണിയറശില്പികളുടേയും വാങ്മയങ്ങള് ഇവ ചേര്ന്ന മലയാളചലച്ചിത്രഗാനങ്ങളുടെ ജനകീയചരിത്രം വായനാലോകത്തിന് പരിചയപ്പെടുത്തിക്കൊടുക്കുകയാണ് ഈ വ്യത്യസ്തമായ പുസ്തകപ്രദര്ശനത്തിന്റെ ഉദ്ദേശം. സിനിമ, സിനിമാസങ്കേതികവിദ്യ, സിനിമാചരിത്രം, തിരക്കഥ, ചലച്ചിത്രരംഗത്തെ പ്രമുഖരുടെ അനുഭവക്കുറിപ്പുകള് എന്നീ വിഷയങ്ങളിലുളള പുസ്തകങ്ങളും ഈ വ്യത്യസമായ പ്രദര്ശനത്തിലുണ്ടാവും. മലയാളത്തിലെ ഒട്ടുമിക്ക പ്രസാധകരുടെയും ചലച്ചിത്രസംബന്ധമായ ഗ്രന്ഥങ്ങള്ക്കൊപ്പം ചലച്ചിത്ര അക്കാദമി പ്രസിദ്ധീകരച്ച നൂറിലേറെ അപൂര്വ്വപുസ്തകങ്ങളും പ്രദര്ശനത്തിലെത്തും. പ്രദര്ശനം 13നു 4.30ന് അഡ്വ. കെ.സുരേഷ്കുറുപ്പ് എം.എല്.എ. ഉദ്ഘാടനം ചെയ്യും. വ്യക്തികള്ക്കും ലൈബ്രറികള്ക്കും പുസ്തകങ്ങള്ക്ക് പ്രത്യേക ഡിസ്കൗണ്ട് ലഭിക്കും. ദിവസവും വൈകുന്നേരം 4 മണി മുതല് 7 മണി വരെയാണ് പ്രദര്ശനം. പ്രവേശനം സൗജന്യം. വിശദവിവരങ്ങള്ക്ക് : 9447300978.
പ്രതികരിക്കാൻ ഇവിടെ എഴുതുക: