കൊച്ചി: എസ്‌ 60, എക്സ്‌ സി 60 കാറുകളുടെ വരും തലമുറ മോഡലുകള്‍ സ്വീഡിഷ്‌ ആഡംബര കാര്‍ നിര്‍മാതാക്കളായ വോള്‍വോ ഓട്ടോ ഇന്ത്യ, ന്യൂദല്‍ഹിയിലെ സ്വീഡിഷ്‌ എംബസിയില്‍ ചേര്‍ന്ന ചടങ്ങില്‍ വിപണിയിലിറക്കി. നഗരങ്ങളില്‍ 50 കിലോ മീറ്റര്‍ വരെ വേഗതയില്‍ അപകടങ്ങളില്‍ നിന്ന്‌ സംരക്ഷണം ഉറപ്പ്‌ നല്‍കുന്നു എന്നതാണ്‌ പുതിയ എസ്‌ 60, എക്സ്‌ സി 60 മോഡലുകളുടെ സവിശേഷത.
ഇപ്പോള്‍ എസ്‌ 60 , എക്സ്‌ സി 60 കാറുകള്‍ ഉപയോഗിച്ചു വരുന്നവരുടെ അഭിപ്രായങ്ങള്‍ കൂടി കണക്കിലെടുത്താണ്‌ മോഡലുകളില്‍ മാറ്റം വരുത്തിയിട്ടുള്ളതെന്ന്‌ വോള്‍വോ ഓട്ടോ ഇന്ത്യ എംഡി തോമസ്‌ ഏണ്‍ബര്‍ഗ്‌ പറഞ്ഞു.
മോണിറ്ററുകളിലും ടെലിവിഷനുകളിലും ഉപയോഗപ്പെടുത്തി വരുന്ന തിന്‍ ഫിലിം ട്രാന്‍സിസ്റ്ററോടു കൂടിയ ഡിജിറ്റല്‍ ടിഎഫ്റ്റി ഇന്‍സ്ട്രുമെന്റ്‌ ക്ലസ്റ്റര്‍, ഡ്രൈവിങ്‌ കൂടുതല്‍ എളുപ്പമാക്കുന്നു. എക്സ്‌ സി 60 എട്ട്‌ നിറങ്ങളില്‍ ലഭ്യമാണ്‌. എസ്‌ 60 ഡി 4 എസ്‌ യുഎം – 32,50,000 രൂപ, എസ്‌ 60 ഡി 5 എസ്‌യുഎം -35,50,000 രൂപ, എക്സ്‌ സി 60 ഡി 4 കെഐഎന്‍-40,50,000 രൂപ, എക്സ്‌ സി 60 ഡി 4 എസ്‌ യു എം-43,50,000 രൂപ , എക്സ്‌ സി 60 എസ്‌ യു എം- 46,55,000 രൂപ എന്നിങ്ങനെയാണ്‌ വില.
പ്രതികരിക്കാൻ ഇവിടെ എഴുതുക: