മട്ടാഞ്ചേരി: മതതീവ്രവാദസംഘടനകളുടെ ലൗജിഹാദിന്‌ രക്ഷിതാക്കളുടെ പിന്തുണയും പ്രകടമാകുന്നു. ഹിന്ദുയുവതികളെ പ്രേമിച്ച്‌ മതംമാറ്റി തങ്ങളുടെ വരുതിയില്‍ വരുത്തുന്ന ലൗജിഹാദ്‌ യുവാക്കള്‍ക്കാണ്‌ രക്ഷിതാക്കള്‍ പിന്തുണ നല്‍കുന്നത്‌. കൊച്ചിയിലെ ഹിന്ദുയുവതിയുടെ വീട്ടുകാരെ യുവാവിന്റെ മാതാവ്‌ ഭീഷണിപ്പെടുത്തിയതിനെ തുടര്‍ന്നുണ്ടായ അന്വേഷണമാണ്‌ രക്ഷിതാക്കളുടെ ഒത്താശവെളിപ്പെട്ടത്‌.
കൊച്ചിയുടെ വിവിധ ഭാഗങ്ങളിലായി ഇതിനകം ഹിന്ദുസമൂഹത്തിലെ ഉന്നത- താഴ്‌ന്ന ജാതിക്കാരായ 25 ഓളം യുവതികളാണ്‌ പത്ത്‌വര്‍ഷത്തിനകം ലൗജിഹാദിനിരയായത്‌. പ്രായപൂര്‍ത്തിയാകാത്ത എട്ടാംക്ലാസ്‌ മുതലുള്ള പെണ്‍കുട്ടികളെയാണ്‌. ലൗജിഹാദ്‌ സംഘം ഏറെയും വലയിലാക്കുന്നത്‌. മൊബെയില്‍ ഫോണ്‍ നല്‍കി തുടങ്ങുന്ന പ്രണയങ്ങള്‍ ഒടുവില്‍ ലൈംഗികതയിലേയ്‌ക്ക്‌ നീങ്ങുകയും, ഇത്പകര്‍ത്തി ഭീഷണിപ്പെടുത്തിയാണ്‌ തുടര്‍ന്നിവരെ ഇരകളായി പിന്തുടരുന്നതെന്നും യുവതികള്‍ രഹസ്യമായി സമ്മതിക്കുന്നുമുണ്ട്‌. പ്രേമാഭ്യര്‍ത്ഥനനിരസിക്കുന്ന യുവതികളെ ആക്രമിച്ചും ഭീഷണിപ്പെടുത്തിയും ലൗജിഹാദിലുള്‍പ്പെടുത്താനും യുവാക്കള്‍ ശ്രമിക്കുന്ന സംഭവങ്ങളും റിപ്പോര്‍ട്ടു ചെയ്യപ്പെട്ടിട്ടുണ്ട്‌.
ലൗജിഹാദ്‌ സംഘത്തിന്റെ വലയില്‍പ്പെട്ട 16 കാരിയായ ഹിന്ദുയുവതിയെ പിന്തിരിപ്പിച്ച രക്ഷിതാക്കള്‍ക്ക്‌ യുവാവിന്റെ അമ്മയില്‍നിന്ന്‌ നിരന്തരം ഭീഷണിയുമായി ഫോണുകളെത്തുകയാണ്‌. പ്ലസ്‌ വണ്‍ വിദ്യാര്‍ത്ഥിയെ വീട്ടില്‍ നിന്നിറക്കികൊണ്ടുപോകുമെന്ന ഭീഷണിയുയര്‍ത്തിയാണ്‌ യുവാവിന്റെ അമ്മ ഫോണ്‍ വിളിക്കുന്നതെന്ന്‌ യുവതിയുടെ പിതാവ് ഹിന്ദുസംഘടനാ പ്രവര്‍ത്തകരെ അറിയിച്ചു. തുടര്‍ന്നുള്ള അന്വേഷണമാണ്‌ ലൗജിഹാദിന്‌ പിന്നിലെ രക്ഷാകര്‍തൃ- മതസംഘടന- രാഷ്‌ട്രീയ ബന്ധങ്ങള്‍ തിരിച്ചറിഞ്ഞതെന്ന്‌ സംഘടന പ്രവര്‍ത്തകര്‍ പറഞ്ഞു. മാസങ്ങള്‍ക്ക്‌ മുമ്പ്‌ സ്കൂള് വിദ്യാര്‍ത്ഥികളെ ബൈക്കിലെത്തി വഴിയില്‍ തടഞ്ഞു നിര്‍ത്തി ബ്ലെഡ്കൊണ്ട്‌ കൈകളില്‍ മുറിവേല്‍പിച്ച മൂന്നോളം സംഭവങ്ങളും യുവതിയെ ശാരീരിക പീഡനത്തിനിരയാക്കി യുവതി ആത്മഹത്യശ്രമം നടത്തിപ്പോള്‍ രക്ഷിതാക്കളെ ഭീഷണിപ്പെടുത്തി കേസ്സ്‌ ഒതുക്കിതീര്‍ത്ത സംഭവവും ഉണ്ടായിട്ടുണ്ട്‌.
ലൗജിഹാദ്‌ പ്രവര്‍ത്തനങ്ങള്‍ക്ക്‌ രാഷ്‌ട്രീയ ഒത്താശ വെളിപ്പെടുന്ന സംഭവങ്ങളും പ്രകടമാകുന്നതായി പെണ്‍കുട്ടികളുടെ രക്ഷിതാക്കള്‍ പറയുന്നു. പെണ്‍കുട്ടികളെ പീഡിപ്പിക്കുകയും, ഭീഷണിപ്പെടുത്തുകയും ചെയ്യുന്ന യുവസംഘങ്ങള്‍ക്കെതിരെ പോലീസില്‍ പരാതിനല്‍കിയാല്‍ അന്വേഷണം നടക്കില്ലെന്ന്‌ വ്യാപകമായി പരാതി ഉയര്‍ന്നു കഴിഞ്ഞു.
പ്രതികരിക്കാൻ ഇവിടെ എഴുതുക: