മഹാസിദ്ധപുരുഷനായ അഗസ്ത്യന് വടനാട്ടില് നിന്നും തെന്നാട്ടിലേക്ക് വന്നുവെന്ന് ഐതിഹ്യം കേള്ക്കുന്നുണ്ടല്ലോ. അതിന്റെ പുറകില് ഒരു കഥ പുരാണത്തില് വരുന്നുണ്ട്. ശിവപാര്വ്വതിമാരുടെ വിവാഹ വേളയിലാണ് അത് നടന്നത്. എല്ലാ സജ്ജനങ്ങളും വേദശക്തികളും വിവാഹത്തിന് സംബന്ധിക്കാന് കൈലാസത്തില് ഒത്തുകൂടിയത്രേ! അപ്പോള് ഭൂമിയുടെ സമനില നഷ്ടപ്പെട്ട് എല്ലാം നാശമടയാന് തുടങ്ങിയപ്പോള് ശ്രീ പരമേശ്വരന് അഗസ്ത്യരെ വിളിച്ച് ഭൂമിയുടെ സമനില വീണ്ടെടുക്കാന് നീ ഉടനെ തെന്നാട്ടിലേക്ക് യാത്രയാകൂ എന്ന് ആജ്ഞാപിച്ചതായും പുരാണകഥയില് നാം കേട്ടിട്ടുണ്ട്. ഈ കഥയുടെ യഥാര്ത്ഥവശം മറ്റൊന്നാണ്.
അതായത് ലോകത്തില് അധര്മത്തിന്റെ തീക്ഷ്ണത കണ്ട് സഹിക്കവയ്യാതെ എല്ലാ ദേവസാന്നിധ്യങ്ങളും മഹത് പുരുഷന്മാരും ഊര്ദ്ധലോകത്തിലേക്ക് പ്രയാണം ചെയ്യുമത്രേ. ഇങ്ങനെ എല്ലാ ദൈവിക സാന്നിധ്യങ്ങളും ഭൂമിയില് നിന്ന് മറയുമ്പോള് ഇവിടം താമസികശക്തികളുടെ കൈകളില് അമരുകയും അധര്മം കൊടികുത്തി വാഴുകയും ചെയ്യും. അപ്പോള് പ്രപഞ്ചത്തിന്റെ താളംതെറ്റുകയും ഒടുക്കം പ്രകൃതിശക്തികള് രൗദ്രതയോടെ ഉയിര്ത്തെഴുന്നേറ്റ് എല്ലാറ്റിനേയും നശിപ്പിച്ചുകളയുകയും ചെയ്യും. ഇങ്ങനെ ഒരു ഘട്ടം വന്നപ്പോഴാണ് ഈശ്വരന് അഗസ്ത്യനെ വിളിച്ച് പ്രപഞ്ചത്തിന്റെ സമനില വീണ്ടെടുക്കാന് നിയോഗിക്കുന്നത്.
– തഥാതന്
പ്രതികരിക്കാൻ ഇവിടെ എഴുതുക: