കാസര്‍കോട്‌: അണങ്കൂറ്‍ ശ്രീശാരദാംബ കല്ല്യാണമണ്ഡപത്തിണ്റ്റെ ചില്ലുകള്‍ കല്ലെറിഞ്ഞുതകര്‍ത്തു. കഴിഞ്ഞ ദിവസം രാത്രിയിലാണ്‌ സംഭവം. ഇന്നലെ പുലര്‍ച്ചെയാണ്‌ ചില്ലുകള്‍ തകര്‍ന്ന നിലയില്‍ കാണപ്പെട്ടത്‌. ശാരദാംബ ഭജന മന്ദിരത്തിനും നേരെ മതതീവ്രവാദികള്‍ ഇടക്കിടെ അക്രമം അഴിച്ചുവിടാറുണ്ട്‌. അക്രമികളെ അറസ്റ്റുചെയ്യാനോ നടപടി എടുക്കാനോ പോലീസ്‌ തയ്യാറാകാത്തതാണ്‌ അക്രമങ്ങള്‍ തുടര്‍ക്കഥയാവുന്നതെന്ന്‌ ഭജനമന്ദിര നിവാസികള്‍ പരാതിപ്പെട്ടു. ഭജനമന്ദിര കമ്മറ്റിയുടെ പരാതിയില്‍ പോലീസ്‌ കേസെടുത്തു.
പ്രതികളെ അറസ്റ്റ്‌ ചെയ്യണം: യുവമോര്‍ച്ച
കാസര്‍കോട്‌: ശ്രീശാരദാംബ ഭജനമന്ദിരത്തിനടുത്തുള്ള കല്ല്യാണമണ്ഡപത്തനുനേരെ കല്ലെറിഞ്ഞ സംഭവത്തിലെ പ്രതികളെ ഉടന്‍ അറസ്റ്റ്‌ ചെയ്യണമെന്ന്‌ യുവമോര്‍ച്ച ജില്ലാ പ്രസിഡണ്ട്‌ വിജയ്‌റൈ ആവശ്യപ്പെട്ടു. അണങ്കൂരില്‍ ഇടയ്‌ക്കിടെ ഉണ്ടാകുന്ന ഇത്തരത്തിലുള്ള അക്രമങ്ങള്‍ക്കുപിന്നില്‍ വാന്‍ ഗൂഢശക്തികളുണ്ട്‌. ജില്ലയില്‍ വര്‍ഗ്ഗീയ കലാപം ഇളക്കി വിടുകയാണ്‌ ഇവരുടെ ലക്ഷ്യം. അണങ്കൂരിലെ ചില പ്രദേശങ്ങള്‍ കേന്ദ്രീകരിച്ച്‌ തീവ്രവാദ പ്രവര്‍ത്തനം നടക്കുന്നുണ്ട്‌. ഇതിനെതിരെ ശക്തമായ അന്വേഷണം നടത്തണമെന്നും വിജയ്‌റൈ ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: