കൊച്ചി: ഏലൂര്‍ ഐഎസിയ്‌ക്ക് സമീപം ഇടമുള പാലത്തിന് അടുത്തുള്ള കടവില്‍ നിന്നും മൂന്ന് ലോഡ് മണല്‍ പോലീസ് പിടികൂടി. ഷാഡോ പോലീസും, ഏലൂര്‍ പോലീസും സംയുക്തമായി നടത്തിയ റെയ്ഡിലാണ് മണല്‍ പിടികൂടിയത്.
രഹസ്യ വിവരം ലഭിച്ചതിനെ തുടര്‍ന്ന് സ്ഥലത്ത് എത്തിയ പോലീസിനെ കണ്ട് മണല്‍ വാരികൊണ്ടിരുന്നവരും എജന്റും ഓടി രക്ഷപ്പെടുകയായിരുന്നു.
മണല്‍ മാഫിയക്കെതിരെ കര്‍ശന നടപടി സ്വീകരിക്കാന്‍ സ്‌പെഷ്യല്‍ ബ്രാഞ്ച് അസ്സി. കമ്മീഷണര്‍ ശ്രീ ടോമിസെബാസ്റ്റിയന്‍ നിര്‍ദ്ദേശം നല്‍കിയതിനെ തുടര്‍ന്ന് ഏലൂര്‍ എസ്‌ഐയുടെ നേതൃത്വത്തില്‍ ഷാഡോ എസ്‌ഐ അനന്തലാല്‍, സിപിഒമാരായ തോമസ്, കബീര്‍ ശ്രീകാന്ത്, ഷാജിമോന്‍ എന്നിവരും ചേര്‍ന്നാണ് മണല്‍പിടികൂടിയത്.
പ്രതികരിക്കാൻ ഇവിടെ എഴുതുക: