കോട്ടയം: ഹോം നേഴ്സ് സര്വ്വീസ് സൊസൈറ്റിയുടെയും നാഗമ്പടം ഹോമിയോ സൂപ്പര് സ്പെഷ്യാലിറ്റി ആശുപത്രിയുടെയും ആഭിമുഖ്യത്തില് ലോകപുകയില വിരുദ്ധദിനം ആചരിച്ചു. ഇതോടനുബന്ധിച്ച് ഹോമിയോ ഹോസ്പിറ്റല് കോണ്ഫറന്സ് ഹാളില് ‘പുകവലി ഉയര്ത്തുന്ന ആരോഗ്യ പ്രശ്നങ്ങള്’ എന്ന വിഷയത്തില് സിംപോസിയം സംഘടിപ്പിച്ചു.
ഹോമിയോ സൂപ്പര് സ്പെഷ്യാലിറ്റി ആശുപത്രി ചെയര്മാന് അഡ്വ: സി. ജോസ് ഫിലിപ്പിന്റെ അദ്ധ്യക്ഷതയില് ചേര്ന്ന സമ്മേളനത്തില് ഹോം നേഴ്സ് സര്വ്വീസ് സൊസൈറ്റി സെക്രട്ടറി ബാബു എസ്. പ്രസാദ് സിംപോസിയം ഉദ്ഘാടനം ചെയ്തു. ഹോമിയോ ശാസ്ത്രവേദി ചെയര്മാന് ഡോ. ടി.എന്. പരമേശ്വരക്കുറുപ്പ്, ഡോ.എം.ആര്. ഗോപാലകൃഷ്ണന്നായര്, ആനി ജോസ്, പി.എം. ജോണ് പറമ്പില് എന്നിവര് പ്രസംഗിച്ചു.
ഇടച്ചോറ്റി: ഇടച്ചോറ്റി സരസ്വതി ദേവീ ദിവ്യക്ഷേത്രം കേന്ദ്രീകരിച്ചു പ്രവര്ത്തിക്കുന്ന മൂകാംബിക ചാരിറ്റബിള് ട്രസ്റ്റിന്റെ ആഭിമുഖ്യത്തില് ലോക പുകയിലവിരുദ്ധ ദിനം ആചരിച്ചു. ട്രസ്റ്റ് ചെയര്മാന് സാബുസ്വാമി പുകയില വിരുദ്ധ പ്രതിജ്ഞ ചൊല്ലിക്കൊടുത്തു. ചടങ്ങിന് ട്രസ്റ്റ് സെക്രട്ടറി വിനു വിശ്വനാഥന് അദ്ധ്യക്ഷതവഹിച്ചു. മൂകാംബിക ചാരിറ്റബിള് ട്രസ്റ്റിന്റെ പോഷക സംഘടനയായ ഭുതനഥേശ്വരി വനിതസംഘം പ്രവര്ത്തകരും സരസ്വതി ബാലജനയോഗത്തിലെ കുട്ടികളും ചടങ്ങില് പങ്കെടുത്തു. സുധാകരന് ആലംഞ്ചേരിയില്, രാജപ്പന് ചക്കുപള്ളം, സോമന് പി.കെ. തുടങ്ങിയവര് സംസാരിച്ചു.
പാമ്പാടി: പള്ളിക്കത്തോട് ഗ്രാമപഞ്ചായത്ത് അഞ്ചാം വാര്ഡ് എഡിഎസിന്റെയും പിഎച്ച്സിയുടെയും ആഭിമുഖ്യത്തില് പുകയില വിരുദ്ധദിനം ആചരിച്ചു. ഇതോടനുബന്ധിച്ച് റാലിയും പൊതുസമ്മേളനവും നടത്തി. വാര്ഡ് മെമ്പര് എന്.ഹരി അദ്ധ്യക്ഷത വഹിച്ചു. വീടുകളില് പുകവലി പാടില്ല എന്ന സന്ദേശം നല്കുന്ന പ്രതിജ്ഞചൊല്ലി. പുകവലി രഹിത ഭവനങ്ങള് എന്ന പദ്ധതിയുടെ ഭാഗമായാണ് പരിപാടി നടത്തിയത്. ഡോ. രാജേഷ്, ബാലഗോപാല്, പ്രിയന്സി നായര്, സിസ്റ്റര് ഫിലോമിന തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: