കൊടുങ്ങൂര്: പണമിടപാടു സ്ഥാപന ഉടമയെ കഴുത്തില് കുരുക്കിട്ട് കൊള്ളയടിക്കാന് ശ്രമിച്ച പ്രതിയെ പൊലീസ് പിടികൂടി. കൊടുങ്ങൂര്-പാലാ റോഡ് ജംഗ്ഷനില് വടക്കേടത്തു കുഞ്ഞുമോന്റെ കഴുത്തിലാണ് കുരുക്കിടാന് ശ്രമിച്ചത്. സംഭവവുമായി ബന്ധപ്പെട്ട് തമിഴ്നാട് സ്വദേശി ജഗന്നാഥനെ പള്ളിക്കത്തോട് പൊലീസ് അറസ്റ്റു ചെയ്തു. ഇന്നലെ രാവിലെ 9.30നായിരുന്നു സംഭവം. സ്ഥാപന ഉടമ കുഞ്ഞുമോന് സ്ഥാപനം തുറന്നു കയറുന്നതിനിടയില് കൂടെ ജഗന്നാഥനും സ്ഥാപനത്തിനുള്ളില് കടക്കുകയായിരുന്നു. ജഗന്നാഥന് കയ്യില് കരുതിയിരുന്ന കയറുപയോഗിച്ച് കുഞ്ഞുമോന്റെ കഴുത്തില് കുരുക്കിട്ട് കൊലപ്പെടുത്താന് ശ്രമിച്ചു. ഇതിനിടയില് ജഗന്നാഥനെ തള്ളിയിട്ട് കുഞ്ഞുമോന് ഓടി റോഡിലെത്തി. പിന്നാലെ ഓടിയെത്തി ബൈക്കില് രക്ഷപ്പെടാന് ശ്രമിച്ച ജഗന്നാഥനെ നാട്ടുകാര് പിടികൂടി പൊലീസില് ഏല്പ്പിക്കുകയായിരുന്നു.
പ്രതികരിക്കാൻ ഇവിടെ എഴുതുക: