കൊച്ചി: പട്ടിമറ്റം സ്വദേശിനി സുലേഖയെ കൊലപ്പെടുത്തിയ കേസില്‍ മൂന്നുപേരെ സിബിഐ അറസ്റ്റുചെയ്തു. സുലേഖയുടെ അയല്‍വാസികളായ അബ്ദുള്‍ കരീം, വല്‍സല, അബ്ദുള്‍ കരീം എന്നിവരാണ്‌ അറസ്റ്റിലായത്‌. 2006 ജൂലൈ 29 നാണ്‌ പട്ടിമറ്റം സ്വദേശിയായ വീട്ടമ്മയെ വീടിന്‌ സമീപത്തുള്ള റബര്‍തോട്ടത്തില്‍ മരിച്ച നിലയില്‍ കണ്ടെത്തിയത്‌. ഇവര്‍ വിറക്‌ എടുക്കുന്നതിനാണ്‌ റബര്‍തോട്ടത്തില്‍ പോയത്‌. സംഭവത്തെക്കുറിച്ച്‌ പട്ടിമറ്റം പോലീസും ക്രൈംബ്രാഞ്ചും അന്വേഷണം നടത്തിയെങ്കിലും പ്രതികളെ പിടികൂടാന്‍ കഴിഞ്ഞില്ല. ഇതേത്തുടര്‍ന്ന്‌ സുലേഖയുടെ ഭര്‍ത്താവ്‌ സിബിഐ അന്വേഷണം ആവശ്യപ്പെട്ട്‌ ഹൈക്കോടതിയെ സമീപിച്ചിരുന്നു. എന്നാല്‍ കോടതി ആവശ്യം നിരസിക്കുകയായിരുന്നു. പിന്നീട്‌ സുലേഖയുടെ ഭര്‍ത്താവ്‌ മരിച്ചതിനെത്തുടര്‍ന്ന്‌ മകന്‍ വീണ്ടും കോടതിയെ സമീപിച്ചു.
സിബിഐ അന്വേഷണം ആവശ്യപ്പെട്ട്‌ ആക്ഷന്‍ കൗണ്‍സിലിന്റെ നേതൃത്വത്തില്‍ നിരവധി സമരങ്ങള്‍ സംഘടിപ്പിച്ചിരുന്നു. റബര്‍തോട്ട ത്തില്‍ വെച്ച്‌ പ്രതികള്‍ ഒരു സ്ത്രീയുമായി ലൈംഗികബന്ധത്തില്‍ ഏര്‍പ്പെടുന്നതിന്‌ സുലേഖ സാക്ഷിയായതാണ്‌ കൊലപാതകത്തില്‍ കലാശിച്ചത്‌. പ്രതികളെ സിബിഐ കോടതിയില്‍ ഹാജരാക്കി റിമാന്റ്‌ ചെയ്തു.
പ്രതികരിക്കാൻ ഇവിടെ എഴുതുക: