പള്ളുരുത്തി: ഗ്യാസ്‌ അടുപ്പില്‍ തീകത്തുന്നതിനിടയില്‍ ട്യൂബ്‌ വഴി പാചകവാതക സിലിണ്ടറിന്‌ തീപിടിച്ചു. പള്ളുരുത്തി കച്ചേപ്പടിക്കു സമീപം തച്ചപ്പിള്ളി ലൈനില്‍ അലയാഴത്തുവീട്ടില്‍ ഷാജിയുടെ വീട്ടിലെ ഗ്യാസ്‌ സിലിണ്ടറിനാണ്‌ തീപിടിച്ചത്‌. വ്യാഴാഴ്ച രാവിലെ എട്ടുമണിയോടെയാണ്‌ സംഭവം. തീപിടിച്ചു കഴിഞ്ഞ്‌ ഒരു മണിക്കൂറോളം സിലിണ്ടര്‍നിന്നു കത്തി. മട്ടാഞ്ചേരിയില്‍നിന്നെത്തിയ ഫയര്‍ യൂണിറ്റാണ്‌ തീയണച്ചത്‌. പാചക ആവശ്യത്തിനായി ഗ്യാസ്‌ തുറന്ന്‌ അടുപ്പ്‌ കത്തിക്കുന്നതിനിടയില്‍ സിലിണ്ടറിലേക്ക്‌ തീ ആളിപ്പടരുകയായിരുന്നു. ഇതിനിടെ വീട്ടുകാര്‍ പരിഭ്രാന്തരായി പരക്കം പാഞ്ഞു. ഷാജിതന്നെ രണ്ടും കല്‍പിച്ച്‌ സിലിണ്ടര്‍ പുറത്തേക്ക്‌ മാറ്റുകയായിരുന്നു. ഹോസുവഴി വെള്ളം പമ്പുചെയ്ത്‌ തീയണക്കാന്‍ ശ്രമിച്ചെങ്കിലും നടന്നില്ല. പഴയസിലിണ്ടര്‍ മാറ്റി പുതിയതു സ്ഥാപിച്ച ഉടനെയാണ്‌ അപകടം സംഭവിച്ചത്‌. നാട്ടുകാര്‍ ഫയര്‍ ഫോഴ്സില്‍ വിവരമറിയിക്കുകയായിരുന്നു. തുടര്‍ന്ന്‌ തീയണച്ചു അപകട വിവരം അറിയിച്ചിട്ടും ഐഓസി അധികൃതര്‍ ഇടപെട്ടില്ലെന്ന്‌ വീട്ടുടമ പരാതിപ്പെട്ടു.
Wednesday, November 27, 2024
പാചകവാതക സിലിണ്ടറിന്‌ തീപിടിച്ചു; ദുരന്തം ഒഴിവായത്‌ തലനാരിഴക്ക്‌
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: