മരട്‌: പൊന്നുരുന്നിയില്‍ സ്കൂള്‍ വിദ്യാര്‍ത്ഥിനികളെ ശല്യം ചെയ്തആള്‍ പോലീസിന്റെ പിടിയിലായി. ചളിക്കവട്ടം സ്വദേശി രെജിന്ദ്‌ (32) ആണ്‌ പാലാരിവട്ടം പോലീസിന്റെ പിടിയിലായതെന്നു വിവരം ലഭിച്ചിരിക്കുന്നത്‌. ഇയാള്‍ ഇന്നലെ തൊടുപുഴയില്‍ നിന്നും പിടിക്കപ്പെട്ടതെന്ന്‌ പാലാരിവട്ടം പോലീസ്‌ പറഞ്ഞു. പരാതിയുടെ അടിസ്ഥാനത്തില്‍ ഇയാളെ ചോദ്യം ചെയ്തുവരികയാണെന്ന്‌ പോലീസ്‌ അറിയിച്ചു. സ്കൂള്‍ വിട്ട്‌ വീട്ടിലേക്കുമടങ്ങുകയായിരുന്ന പെണ്‍കുട്ടികളെ മോട്ടോര്‍ സൈക്കിളില്‍ പിന്‍തുടര്‍ന്ന രെജിന്ദ്‌ അസഭ്യം പറയുകയും പരസ്യമായി കടന്നുപിടിക്കാന്‍ ശ്രമിച്ചതായുമാണ്‌ പരാതി. ഗോള്‍ഡ്‌ സൂക്കിനു സമീപത്തുവെച്ചും റോഡില്‍ മറഞ്ഞിരുന്ന്‌ സ്കൂള്‍ വിദ്യാര്‍ത്ഥിനികളെ അപമാനിക്കാന്‍ ശ്രമിച്ചെന്നും പോലീസില്‍ പരാതിയുണ്ട്‌.
സംഭവത്തിനുശേഷം ഇയാള്‍ ഒളിവിലായിരുന്നു. വിവിധ സംഘടനകളുടെ നേതൃത്വത്തില്‍ പ്രദേശത്ത്‌ പ്രതിഷേധപ്രകടനങ്ങളും മറ്റും നടന്നിരുന്നു. പ്രതിയെ പിടികൂടുന്നതില്‍ പോലീസ്‌ അനാസ്ഥയുണ്ടെന്നും ആക്ഷേപം ഉയര്‍ന്നിരുന്നു.
പ്രതികരിക്കാൻ ഇവിടെ എഴുതുക: