കാസര്‍കോട്‌: കസബ കടപ്പുറത്ത്‌ മദ്യമൊഴുക്കാന്‍ അനുവദിക്കില്ലെന്ന്‌ പ്രഖ്യാപിച്ച്‌ കാസര്‍കോട്‌ കടപ്പുറം മത്സ്യത്തൊഴിലാളി വനിതാ സംഘടന കളക്ടറേറ്റിലേക്ക്‌ നടത്തിയ മാര്‍ച്ച്‌ താക്കീതായി. സ്ത്രീകളും കുട്ടികളുമുള്‍പ്പെടെ അഞ്ഞൂറിലേറെ പേര്‍ അണിനിരന്ന മാര്‍ച്ചില്‍ മദ്യത്തിനെതിരെ പ്രതിഷേധം അലയടിച്ചു. മദ്യവിപത്തിനെതിരെ ശക്തമായ മുദ്രാവാക്യങ്ങള്‍ മുഴക്കിയാണ്‌ പ്രവര്‍ത്തകര്‍ മാര്‍ച്ചില്‍ അണിനിരന്നത്‌. കാസര്‍കോട്‌ കടപ്പുറം ശ്രീകുറുംബ ഭഗവതി ക്ഷേത്ര പരിസരത്തു നിന്നും ആരംഭിച്ച മാര്‍ച്ച്‌ എട്ടു കിലോമീറ്ററോളം പിന്നിട്ട്‌ കലക്ടറേറ്റിലെത്തിയപ്പോഴും അമ്മമാര്‍ തളര്‍ന്നില്ല. മദ്യത്തിനെതിരെ അധികൃതരുടെ ഭാഗത്തു നിന്നും കര്‍ശന നടപടി സ്വീകരിക്കുന്നില്ലെന്ന്‌ പ്രവര്‍ത്തകര്‍ ആരോപിച്ചു.കസബ കടപ്പുറത്ത്‌ അമ്മമാര്‍ നടത്തിവരുന്ന റെയ്ഡ്‌ മുപ്പതു ദിവസം പിന്നിട്ടതിണ്റ്റെ ഭാഗമായാണ്‌ മാര്‍ച്ച്‌ സംഘടിപ്പിച്ചത്‌. പൊതുസ്ഥലങ്ങളില്‍ മദ്യപാനം കര്‍ശനമായി തടയുക, വിദ്യാലായആരാധനാലയ പരിസരങ്ങള്‍ പൂര്‍ണ്ണമായും ലഹരിവിമുക്തമാക്കുക, മദ്യത്തിണ്റ്റെ ലഭ്യത കുറച്ചുവരാന്‍ സര്‍ക്കാര്‍ നടപടി സ്വീകരിക്കുക, വ്യക്തികള്‍ക്ക്‌ കൈവശം വെക്കാവുന്ന മദ്യത്തിണ്റ്റെ അളവ്‌ കുറക്കുക, മദ്യവില്‍പ്പനയുടെ സമയനിബന്ധന കര്‍ശനമായി നടപ്പാക്കുക, കാസര്‍കോട്‌ മുനിസിപ്പാലിറ്റി പരിധിയിലുള്ള മദ്യഷോപ്പുകളുടെ എണ്ണം ഒന്നായി കുറക്കുക, മദ്യലഹരി കടത്തുകാര്‍ക്ക്‌ വഴി ജാമ്യം നിരസിക്കുക, അവര്‍ക്ക്‌ കൂട്ടു നില്‍ക്കുന്ന രാഷ്‌ട്രീയ പ്രവര്‍ത്തകരെ ഒറ്റപ്പെടുത്തുക തുടങ്ങിയ വിവിധ ആവശ്യങ്ങളുന്നയിച്ചാണ്‌ മുപ്പതു ദിവസമായി സമരം നടത്തിവരുന്നത്‌.നടപടി കര്‍ശനമാക്കുമെന്ന്‌ ഇവര്‍ക്ക്‌ ജില്ലാകലക്ടര്‍ ഉറപ്പുനല്‍കി. ഭാരതീയ മത്സ്യ പ്രവര്‍ത്തക സംഘം സംസ്ഥാന സെക്രട്ടറി സുനിത പ്രശാന്ത്‌, നഗരസഭാ കൗണ്‍സിലര്‍ ലീലാമണി, മഞ്ജുള അനില്‍ കുമാര്‍, ചന്ദ്രാവതി, സവിത ഗോപാലന്‍, സുന്ദരി, സതി, കനക, ഉമാ ഉണ്ണിക്കൃഷ്ണന്‍ തുടങ്ങിയവര്‍ മാര്‍ച്ചിന്‌ നേതൃത്വം നല്‍കി.
Sunday, November 24, 2024
മദ്യവിപത്തിനെതിരെ നാട്‌: സ്ത്രീകളുടെ കളക്ടറേറ്റ്‌ മാര്‍ച്ചില്‍ പ്രതിഷേധമിരമ്പി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: