കണ്ണൂറ്‍: വ്രതാനുഷ്ഠാനത്തോടെ മുദ്ര ധരിച്ച്‌ ശബരിമലയ്‌ക്ക്‌ തീര്‍ത്ഥാടനത്തിന്‌ പോകുന്ന അയ്യപ്പ ഭക്തരായ വിദ്യാര്‍ത്ഥികളെ കറുപ്പ്‌ മുണ്ടുടുത്തുകൊണ്ട്‌ സ്കൂളുകളില്‍ പ്രവേശിപ്പിക്കാത്ത സംഭവങ്ങള്‍ ഏറിവരികയാണ്‌. ഇത്തരം നടപടികള്‍ തുടര്‍ന്നാല്‍ ശക്തമായി നേരിടുമെന്ന്‌ ഹിന്ദുഐക്യവേദി ജില്ലാ കമ്മറ്റി അറിയിച്ചു. മറ്റ്‌ മതവിഭാഗങ്ങള്‍ക്ക്‌ അവരുടെ വിശ്വാസത്തിന്‌ അനുസരിച്ചുള്ള സമയക്രമങ്ങളും മറ്റും പാലിക്കുന്നവര്‍ ഹൈന്ദവവിശ്വാസികളോട്‌ കാണിക്കുന്ന വിവേചനം എന്ത്‌ വിലകൊടുത്തും എതിര്‍ക്കുമെന്നും യോഗം അറിയിച്ചു. ഹൈന്ദവരുടെ വിശ്വാസത്തിന്‌ ക്ഷതമേല്‍ക്കുന്ന രീതിയില്‍ സ്കൂള്‍ അധികൃതരുടെ ഭാഗത്തുനിന്നും ഏതെങ്കിലും തരത്തിലുള്ള നീക്കമുണ്ടായാല്‍ അത്തരം സ്കൂളുകള്‍ക്കെതരെ ശക്തമായ പ്രക്ഷോഭം സംഘടിപ്പിക്കുമെന്നും യോഗം മുന്നറിയിപ്പ്‌ നല്‍കി. യോഗത്തില്‍ സംസ്ഥാന സംഘടനാ സെക്രട്ടറി കെ.പി.ഹരിദാസ്‌, സംസ്ഥാന സെക്രട്ടറി എ.ശ്രീധരന്‍, ജില്ലാ ജനറല്‍ സെക്രട്ടറി കെ.വി.സഹദേവന്‍ എന്നിവര്‍ സംസാരിച്ചു.
Tuesday, November 26, 2024
അയ്യപ്പഭക്തരായ വിദ്യാര്‍ത്ഥികള്‍ക്ക്‌ നേരെയുള്ള നടപടികളെ ശക്തമായി നേരിടും; ഹിന്ദുഐക്യവേദി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: