കൊച്ചി: നഗരത്തില്‍ വിദ്യാര്‍ത്ഥികള്‍ക്ക്‌ ഉള്‍പ്പെടെ അശ്ലീല രംഗങ്ങള്‍ പകര്‍ത്തി നല്‍കിയിരുന്ന ആളെ രണ്ടായിരത്തോളം വ്യാജ സിഡികളുമായി പിടികൂടി. തൃശൂര്‍ കയ്പമംഗലം നാലകത്ത്‌ വീട്ടില്‍ ലത്തീഫിന്റെ സലീമി (32)നെയാണ്‌ പോലീസ്‌ പിടികൂടിയത്‌. മെമ്മറി കാര്‍ഡില്‍ 1 ജിബിക്ക്‌ 100 രൂപ നിരക്കിലാണ്‌ ഇയാള്‍ പണം ഈടാക്കിയിരുന്നത്‌. ഹൈക്കോടതി ജംഗ്ഷനില്‍ രണ്ട്‌ കടകള്‍ക്ക്‌ മുമ്പില്‍ കൗണ്ടറുകള്‍ ദിവസവാടകക്ക്‌ എടുത്താണ്‌ സീഡി വില്‍പ്പന നടത്തിയിരുന്നത്‌. ഒര്‍ജിനല്‍ സീഡിയുടെ കവറില്‍ വില്‍പ്പനക്ക്‌ ആവശ്യമായ വ്യാജ സിഡികള്‍ നിറച്ചിരുന്നു. ഡെപ്യൂട്ടി കമ്മീഷണര്‍ ഗോപാലകൃഷ്ണ പിള്ളയുടെ നിര്‍ദ്ദേശത്തെ തുടര്‍ന്ന്‌ സ്പെഷ്യല്‍ ബ്രാഞ്ച്‌ അസി.കമ്മീഷണര്‍ എം.എന്‍.രമേശിന്റെ നേതൃത്വത്തില്‍ ഷാഡോ എസ്‌ഐ മാരായ മുഹമ്മദ്‌ നിസ്സാര്‍, സുരേഷ്ബാബു, സെന്‍ട്രല്‍ എസ്‌ഐ അനന്തലാലും ഷാഡോ സി.പി.ഒമാരായ പ്രദീപ്കുമാര്‍, വിലാസന്‍, റെജി, നിഷാന്ത്‌, റഹിം, ജാബിന്‍ എന്നിവരും ചേര്‍ന്നാണ്‌ ഇയാളെ പിടികൂടിയത്‌.
Saturday, November 23, 2024
വിദ്യാര്‍ത്ഥികള്‍ക്ക്‌ മൊബെയിലില്‍ അശ്ലീല രംഗങ്ങള്‍ പകര്‍ത്തി നല്‍കുന്ന ആളെ ഷാഡോ പോലീസ്‌ പിടികൂടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: