തിരുവനന്തപുരം: സെക്യൂരിറ്റി ജീവനക്കാര്‍ക്കും ഹോം നെഴ്‌സുമാര്‍ക്കും തൊഴില്‍ വകുപ്പ് അക്കാദമികള്‍ സ്ഥാപിക്കുമെന്ന് തൊഴില്‍ മന്ത്രി ഷിബു ബേബി ജോണ്‍ അറിയിച്ചു. എം‌പ്ലോയ്‌മെന്റ് എക്സ്‌ചേഞ്ചുകളില്‍ പേര് രജിസ്റ്റര്‍ ചെയ്തിട്ടുള്ള 43 ലക്ഷം ഉദ്യോഗാര്‍ത്ഥികളെ ഉള്‍പ്പെടുത്തിയാകും പദ്ധതി.
പരിശീലനം പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റുകള്‍ നല്‍കുന്നതിലൂടെ മിനിമം വേതനം ഉറപ്പാക്കാന്‍ കഴിയുമെന്നും ഷിബു ബേബി ജോണ്‍ പറഞ്ഞു. പൊതുമുതല്‍ നശീകരണ സംബന്ധമായ കേസുകള്‍ വിചാരണ ചെയ്യാന്‍ പ്രത്യേക കോടതികള്‍ ആരംഭിക്കുമെന്ന്‌ ഷിബു ബേബി ജോണ്‍ പ്രസ്‌താവിച്ചു. തൊഴില്‍ വകുപ്പ് ഇതുസംബന്ധിച്ച നിര്‍ദ്ദേശം മുഖ്യമന്ത്രിക്കും നിയമമന്ത്രിക്കും സമര്‍പ്പിച്ചിട്ടുണ്ട്‌.
മേസ്‌തിരി മുതല്‍ എന്‍ജിനീയര്‍മാര്‍ വരെയുള്ളവര്‍ക്ക്‌ തൊഴില്‍ വൈദഗ്‌ദ്ധ്യം മെച്ചപ്പെടുത്താന്‍ സഹായകമായി കണ്‍സ്‌ട്രക്ഷന്‍ അക്കാദമി സ്ഥാപിക്കും. സ്വകാര്യ പങ്കാളിത്തത്തോടെയാണിത്‌. മറ്റു എന്‍ജിനീയറിംഗ്‌ മേഖലകള്‍ക്കായി മറ്റൊരു അക്കാദമിയും സ്ഥാപിക്കുമെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: