ലഖ്നൗ : ഉത്തർപ്രദേശിലെ കുണ്ഡയിൽ നടന്ന രാം കഥാ പ്രഭാഷണത്തിനിടെ സമാജ്വാദി പാർട്ടി അധ്യക്ഷൻ അഖിലേഷ് യാദവിനെതിരെ കടുത്ത വിമർശനവുമായി ബാഗേശ്വർ ധാം ആചാര്യൻ പണ്ഡിറ്റ് ധീരേന്ദ്ര കൃഷ്ണ ശാസ്ത്രി. മതപരവും സാംസ്കാരികവുമായ വിഷയങ്ങളിൽ അഖിലേഷ് യാദവ് സ്വീകരിക്കുന്ന തെറ്റായ നിലപാടുകളെയും പ്രസ്താവനകളെയും ലക്ഷ്യമിട്ടായിരുന്നു അദ്ദേഹത്തിന്റെ പരാമർശങ്ങൾ.
ഉത്തർപ്രദേശിലെ കുണ്ഡയിൽ സംഘടിപ്പിച്ച രാം കഥാ ചടങ്ങിൽ സംസാരിക്കവെയാണ് ധീരേന്ദ്ര ശാസ്ത്രി അഖിലേഷ് യാദവിനെതിരെ ആഞ്ഞടിച്ചത്. വിശ്വാസങ്ങളെയും സനാതന പാരമ്പര്യങ്ങളെയും മുൻനിർത്തിക്കൊണ്ടുള്ള രൂക്ഷമായ പരാമർശങ്ങളാണ് വേദിയിൽ നിന്നുണ്ടായത്.
പ്രധാനമായും രാമകഥ പറയുന്നത് തടഞ്ഞവർ ഇപ്പോൾ കുഴപ്പത്തിലാണെന്ന് ശാസ്ത്രി പറഞ്ഞു. രണ്ട് ദിവസം മുമ്പ്, അന്ന് ഗോപാഷ്ടമി ആയിരുന്നു. കൃഷ്ണ ഭക്തരായി മാറിയവർ ഗോപാഷ്ടമിയിൽ പശുക്കളെ ആരാധിച്ചിരുന്നില്ല. ചിലർ ഹിന്ദുക്കൾ തമ്മിൽ പോരടിക്കാൻ പ്രേരിപ്പിക്കാൻ ആഗ്രഹിക്കുന്നു. ഈ സാഹചര്യത്തിൽ കഥയ്ക്കിടെ ഹിന്ദു ഐക്യത്തിനായി വെടിയേറ്റു മരിക്കാൻ താൻ തയ്യാറാണെന്നും ധീരേന്ദ്ര ശാസ്ത്രി തുറന്നടിച്ചു.
അതേ സമയം തന്നെ ഉത്തർപ്രദേശ് രാഷ്ട്രീയത്തിൽ മതപരമായ വിഷയങ്ങളും ആത്മീയ നേതാക്കളുടെ നിലപാടുകളും വലിയ ചർച്ചകൾക്ക് വഴിവെക്കുന്ന സാഹചര്യത്തിലാണ് ധീരേന്ദ്ര ശാസ്ത്രിയുടെ ഈ വിമർശനം. അഖിലേഷ് യാദവിന്റെയും സമാജ്വാദി പാർട്ടിയുടെയും നിലപാടുകളോടുള്ള വിയോജിപ്പാണ് പ്രഭാഷണത്തിലൂടെ അദ്ദേഹം പ്രകടിപ്പിച്ചത്.


















