ന്യൂഡൽഹി : സർട്ടിഫിക്കേഷനോ സാധൂകരണമോ ആവശ്യമില്ലാത്ത നാഗരിക ശക്തിയാണ് ആർഎസ്എസെന്ന് കേന്ദ്രമന്ത്രി രാജ്നാഥ് സിംഗ് . ഉപരാഷ്ട്രപതി ഭവനിൽ RSS@100: എ സെഞ്ച്വറി ഓഫ് സർവീസ്, യൂണിറ്റി & സാക്രിഫൈസ് എന്ന പുസ്തകം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
ആർഎസ്എസിലെ ഓരോ സർസംഘചാലകും വിവേചനത്തെയും തൊട്ടുകൂടായ്മയെയും എതിർത്തിട്ടുണ്ടെന്നും “രാഷ്ട്രം ആദ്യം, ” എന്ന മനോഭാവത്തോടെയാണ് സംഘടന എപ്പോഴും പ്രവർത്തിച്ചിട്ടുള്ളതെന്നും രാജ്നാഥ് സിംഗ് പറഞ്ഞു. ലോകത്തിലെ ഏറ്റവും വലിയ സാമ്പത്തിക സ്വാശ്രയ സന്നദ്ധ സംഘടനയായി മാറാൻ ഇത് ആർഎസ്എസിനെ പ്രാപ്തമാക്കിയതായും അദ്ദേഹം പറഞ്ഞു.ആർഎസ്എസ് രജിസ്റ്റർ ചെയ്യാത്തത് എന്തുകൊണ്ടാണെന്ന കർണാടക മന്ത്രി പ്രിയങ്ക് ഖാർഗെയ്ക്കുള്ള മറുപടിയായിരുന്നു രാജ്നാഥിന്റെ പ്രസ്താവന.
‘ ഭരണഘടന ഓരോ വ്യക്തിക്കും ഒരു സംഘടന രൂപീകരിക്കാനുള്ള അവകാശം നൽകുന്നതിനാൽ അത്തരം ചോദ്യങ്ങൾ മറുപടി അർഹിക്കുന്നില്ല.സംഘത്തിലെ എല്ലാ ‘സർസംഘചാലക്’മാരും സമൂഹത്തിലെ വിവേചനത്തെയും തൊട്ടുകൂടായ്മയെയും എതിർത്തിട്ടുണ്ട്. ‘രാഷ്ട്രം ആദ്യം, എപ്പോഴും ആദ്യം’ എന്ന മനോഭാവത്തോടെയാണ് സംഘം എപ്പോഴും പ്രവർത്തിച്ചിട്ടുള്ളത്, അതിന്റെ ഫലമായി ആർഎസ്എസ് ലോകത്തിലെ ഏറ്റവും വലുതും സാമ്പത്തികമായി സ്വയംപര്യാപ്തവുമായ സന്നദ്ധ സംഘടനയായി മാറിയിരിക്കുന്നു.
മാതൃസ്നേഹത്തിന് ലൈസൻസ് ആവശ്യമില്ല . ‘ഗുരു’ വളർത്തിയ മൂല്യങ്ങൾ സർക്കാർ മുദ്രകളെ ആശ്രയിക്കുന്നില്ല. . സൂര്യന് പ്രകാശം പരത്താൻ രജിസ്ട്രേഷൻ ആവശ്യമില്ല. അതുപോലെ, സർട്ടിഫിക്കേഷനോ സാധൂകരണമോ ആവശ്യമില്ലാത്ത നാഗരിക ശക്തിയാണ് ആർഎസ്എസ്.ലോകത്ത് ഇത്രയും വലിയ തോതിൽ ഇത്രയും കാലം പിളരാതെ തുടർച്ചയായി പ്രവർത്തിച്ച മറ്റൊരു സംഘടനയും ഉണ്ടാകില്ല.
ഇത് അതിന്റെ നേതൃത്വ ഗുണത്തിന്റെയും ‘എല്ലാം രാഷ്ട്രത്തിന്റേതാണ്; ഒന്നും എന്റേതല്ല’ എന്ന വികാരത്തിൽ ഉൾക്കൊണ്ടിരിക്കുന്ന കാതലായ ധാർമ്മികതയുടെയും ഫലമാണ്. സ്വന്തം പ്രവർത്തനങ്ങളെക്കുറിച്ച് സംഘം വീമ്പിളക്കുന്നത് നിങ്ങൾ ഒരിക്കലും കാണില്ല. പ്രശസ്തിയോടുള്ള നിസ്സംഗതയാണ് സംഘത്തിന്റെ അടിസ്ഥാന തത്വം.ശതാബ്ദി ആഘോഷിക്കേണ്ട സമയമായപ്പോൾ, വെറും ആഘോഷത്തേക്കാൾ ആത്മപരിശോധനയ്ക്കുള്ള അവസരമാണിതെന്ന് ആർഎസ്എസ് വാദിച്ചു.
1975-ൽ രാജ്യത്ത് അടിയന്തരാവസ്ഥ ഏർപ്പെടുത്തിയപ്പോൾ, ഭരണഘടനയും ജനാധിപത്യവും സംരക്ഷിക്കുന്നതിൽ ആർഎസ്എസ് വളരെ നേതൃപരമായ പങ്ക് വഹിച്ചു… ഒരിക്കൽ ഒരു ആർഎസ്എസ് ശാഖ സന്ദർശിക്കുകയും അതിന്റെ പ്രവർത്തനങ്ങൾ സൂക്ഷ്മമായി നിരീക്ഷിക്കുകയും ചെയ്യുന്ന ഏതൊരാളും ആർഎസ്എസിന്റെ ആരാധകനായി മാറുന്നു. രാജ്യം ഒരു പ്രതിസന്ധി നേരിടുമ്പോഴെല്ലാം, സഹായിക്കാൻ ആദ്യം മുന്നോട്ട് വന്നത് ആർ.എസ്.എസും അതിന്റെ സന്നദ്ധപ്രവർത്തകരുമാണ്,”- രാജ്നാഥ് സിംഗ് പറഞ്ഞു.
