ലഖ്നൗ: ആര്എസ്എസ് സര്സംഘചാലക് മോഹന് ഭാഗവത് സഞ്ചരിച്ച ശതാബ്ദി എക്സ്പ്രസിന് നേരെ കല്ലേറ്. വ്യാഴാഴ്ച രാത്രി 7.45ന് കാണ്പുരില് നിന്ന് ദല്ഹിയിലേക്ക് യാത്ര ചെയ്യുന്നതിനിടെയാണ് സംഭവം. ഫിറോസാബാദ് ജില്ലയിലെ മകന്പുര് സ്റ്റേഷന് കടന്നുപോകവേ മോഹന് ഭാഗവത് ഉണ്ടായിരുന്ന ഇ-1 കോച്ചിന് നേരെയാണ് ആക്രമണമുണ്ടായത്. ഇറ്റാവ-തുണ്ട്ല സെക്ഷനിലെ പെമേശ്വര് ഗേറ്റ് പാലത്തിന് സമീപത്ത് വെച്ചാണ് ട്രെയിന് കോച്ചിന് നേരെ ആക്രമണമുണ്ടായത്.
കല്ലേറില് ട്രെയിനിന്റെ ചില്ലുകള് തകര്ന്നെങ്കിലും മോഹന് ഭാഗവതിന് പരിക്കില്ല. കല്ലേറുണ്ടായ ഭാഗത്തിന്റെ വിപരീത ദിശയിലുള്ള സീറ്റിലായിരുന്നു അദ്ദേഹം ഇരുന്നിരുന്നത്. തുടര്ന്ന് തുണ്ടല സ്റ്റേഷനില് ഉന്നത ഉദ്യോഗസ്ഥരെത്തി പരിശോധന നടത്തിയശേഷമാണ് യാത്ര തുടര്ന്നത്. കല്ലേറില് ട്രെയിനിന്റെ ജനല് ചില്ലുകള്ക്ക് കാര്യമായ കേടുപാടുകള് സംഭവിച്ചിട്ടുണ്ട്.
സംഭവത്തില് ഉത്തര്പ്രദേശ് പോലീസ് അന്വേഷണം ആരംഭിച്ചു. കല്ലേറുമായി ബന്ധപ്പെട്ട് ഒരാളെ ഉത്തര്പ്രദേശ് പോലീസ് നിലവില് കസ്റ്റഡിയില് എടുത്തിട്ടുണ്ട്. ഇയാളെ വിശദമായി ചോദ്യം ചെയ്ത് വരികയാണ്. ഈ മേഖലയില് ട്രെയിനുകള്ക്ക് നേരെ കല്ലേറ് ഉണ്ടാകുന്നത് പതിവാണെങ്കിലും മോഹന് ഭാഗവത് സഞ്ചരിച്ച കോച്ചിന് നേരെ തന്നെ ആക്രമണം ഉണ്ടായതില് മറ്റ് ലക്ഷ്യങ്ങള് ഉണ്ടോയെന്നും പോലീസ് പരിശോധിക്കുന്നുണ്ട്. കഴിഞ്ഞവര്ഷം ഫെബ്രുവരിയിലും മോഹന് ഭാഗവത് സഞ്ചരിച്ച ട്രെയിനിന് നേരെ കല്ലേറുണ്ടായിരുന്നു. വന്ദേഭാരതില് സഞ്ചരിക്കവേ ഹര്ദോയ്യില് വെച്ചാണ് കല്ലേറുണ്ടായത്.
