കണ്ണൂര്: പയ്യന്നൂരില് കെട്ടിടം ലഭിക്കാത്തതിനാല് എംഎല്എ ഓഫീസ് സാങ്കേതികമായി പ്രവര്ത്തിക്കുന്നത് വി. കുഞ്ഞികൃഷ്ണന് എംഎല്എയുടെ വീട്ടില്തന്നെ. കഴിഞ്ഞ 15 വര്ഷമായി രണ്ട് സഹകരണ ഓഫീസുകളിലാണ് എംഎല്എ ഓഫീസ് പ്രവര്ത്തിച്ചത്.
10 വര്ഷം പയ്യന്നൂര് കോ- ഓപ് റൂറല് ബാങ്ക് കെട്ടിടത്തിലും അഞ്ച് വര്ഷം പയ്യന്നൂര് സര്വീസ് സഹകരണ ബാങ്കിന്റെ കെട്ടിടത്തിലുമാണ് പ്രവര്ത്തിച്ചത്. എംഎല്എ ഓഫീസിന് വേണ്ടി സൗകര്യം ചെയ്ത് തരണമെന്നാവശ്യപ്പെട്ട് രണ്ട് സ്ഥാപനങ്ങള്ക്കും സത്യപ്രതിജ്ഞ ചെയ്ത് തൊട്ടടുത്ത ദിവസം കത്ത് നല്കിയെങ്കിലും പരിഗണിച്ചില്ല. അതിന് പുറമേ മറ്റ് സ്ഥാപനങ്ങള്ക്ക് കത്ത് നല്കിയെങ്കിലും അതും പരിഗണിച്ചില്ല. അടിയന്തരമായി സ്ഥലം കണ്ടെത്തി ഓഫീസ് ആരംഭിക്കുമെന്നും കുഞ്ഞികൃഷ്ണന് പറഞ്ഞു.
സിപിഎം എതിര്പ്പ് നേരത്തെ തന്നെയുള്ളതാണ്. തെരഞ്ഞെടുപ്പ് പ്രചരണത്തിന് താത്കാലിക ഓഫീസിന് ഒരു സ്വകാര്യവ്യക്തി സ്ഥലം നല്കിയപ്പോള് ഒരു വിഭാഗം ആളുകള് സ്ഥലമുടമയെ വീട്ടില് പോയി ഭീഷണിപ്പെടുത്തി. ഒടുവില് സ്ഥലമുടമ വന്ന് തന്നെ സഹായിക്കണമെന്ന് പറഞ്ഞപ്പോള് സ്വയം പൊളിച്ച് നീക്കുകയായിരുന്നു. ഉടമയുടെ സമ്മതത്തോടെ ചുമരെഴുത്ത് നടത്തിയത് രാത്രി തന്നെ സിപിഎമ്മുകാര് മായ്ച്ച് അവരുടെ മുന്നണിയുടെ ബോര്ഡെഴുതി. തന്റെ പ്രചരണത്തിന്റെ ഭാഗമായി ചുമരെഴുതിയതിനാല് ആ മതില് തന്നെ പൊളിച്ച് നീക്കി. ഫേസ്ബുക്കില് പ്രതികരിച്ചതിനാല് സര്ക്കാര് ജീവനക്കാരന്റെ കാര് കത്തിക്കാന് ശ്രമം നടന്നു. തനിക്കെതിരെ വലിയ രീതിയിലുള്ള ഭീഷണിയുണ്ടെന്നും ഇത് പോലീസ് പറയുന്നതാണെന്നും കുഞ്ഞികൃഷ്ണന് പറഞ്ഞു.
