തിരുവനന്തപുരം: വി ഡി സതീശന് മന്ത്രിസഭയിലെ മന്ത്രിമാരുടെ വകുപ്പുകളില് തര്ക്കം തീരുന്നില്ല. സാമൂഹ്യനീതി വകുപ്പില്ലാതെ തദേശ വകുപ്പ് വേണ്ടെന്ന് മുസ്ലീം ലീഗ്. കഴിഞ്ഞ കാലങ്ങളില് സാമൂഹ്യനീതി വകുപ്പ് കൈകാര്യം ചെയ്തിരുന്നത് തങ്ങളായിരുന്നുവെന്നാണ് ലീഗിന്റെ പക്ഷം.
ഫിഷറീസ് വകുപ്പ് വിട്ടുനല്കിയാല് ഉന്നത വിദ്യാഭ്യാസ വകുപ്പ് വിട്ടു തരാമെന്നാണ് മുസ്ലീം ലീഗ് കോണ്ഗ്രസിനെ അറിയിച്ചത്.ലീഗിന് ഫിഷറീസ് വകുപ്പ് നല്കാന് മുഖ്യമന്ത്രി തീരുമാനിച്ച ശേഷമാണ് ലത്തീന് കത്തോലിക്കാ സഭയില് നിന്ന് എതിര്പ്പ് വരുന്നത്.സി പി ജോണിനോ ഷിബു ബേബി ജോണിനോ ഫിഷറീസ് വകുപ്പ് നല്കണമെന്നാണ് സഭയുടെ ആവശ്യം.ഇതാണ് വകുപ്പ് വിഭജനം പൂര്ത്തിയാക്കുന്നതിന് മുന്നിലുളള പ്രധാന തടസം.
മന്ത്രിസഭയിലെ സീനിയറായ എ.പി.അനില് കുമാറിന് പ്രധാന വകുപ്പ് നല്കാത്തതിലും പ്രശ്നമുണ്ട് വൈദ്യുതി, പാര്ലമെന്ററികാര്യം, സ്പോര്ട്സ് വകുപ്പുകളാണ് മൂന്നാം തവണ മന്ത്രിയാകുന്ന എ.പി അനില്കുമാറിന് നീക്കിവച്ചിരിക്കുന്നത്. തുറമുഖ വകുപ്പ് മുഖ്യമന്ത്രി കൈവശം വച്ചിരിക്കുന്നതില് കെ.സി.വേണുഗോപാല് പക്ഷത്തിന് എതിര്പ്പുണ്ട്.
മന്ത്രിസഭ അധികാരമേറ്റ് ഒരുദിവസം കഴിഞ്ഞിട്ടും വകുപ്പ് വിഭജനം പൂര്ത്തിയാക്കി വിജ്ഞാപനം പുറപ്പെടുവിക്കാനായിട്ടില്ല.
