ചാലക്കുടി : ദേശീയപാതയില് ചാലക്കുടി പുഴയ്ക്ക് കുറുകെയുള്ള പഴയ പാലമാണ് ആറ് ദിവസത്തേക്ക് അടയ്ക്കുന്നത്. മുരിങ്ങൂര് – കൊരട്ടി – ചിറങ്ങര അടിപാതയുടെ അറ്റകുറ്റപണികള്ക്കും ഭാര പരിശോധന നടത്തുന്നതിനുമായിട്ടാണ് പാലം അടയ്ക്കുന്നത്. പാലം അടയ്ക്കുന്നതുമായി ബന്ധപ്പെട്ട് ദേശീയപാതയില് വന് ഗതാഗതക്കുരുക്കിനാവും വഴിയൊരുക്കുന്നത്.
ഇന്ന് രാത്രി 9 മണിക്കാണ് പഴയ പാലം പൂര്ണ്ണമായും അടയ്ക്കുന്നത്. ചാലക്കുടി പുഴക്കു കുറുകെയുള്ള പടിഞ്ഞാറുവശത്തുള്ള പഴയപാലത്തിത്തിലൂടെയുള്ള ഗതാഗതം പൂര്ണ്ണമായും അടച്ചിടുകയും പകരം കിഴക്കു ഭാഗത്തുള്ള പാലത്തിലൂടെ ഇരുവശത്തേക്കും വാഹനങ്ങള് ഓരോ വരി വീതം കടത്തിവിടുകയും ചെയ്യും. ഈ സാഹചര്യത്തില് കൊരട്ടി മേഖലയില് അനുഭവപ്പെടുന്ന ഗതാഗതക്കുരുക്ക് ലഘൂകരിക്കുന്നതിനായി തൃശ്ശൂര് റൂറല് പോലീസ് ഗതാഗത ക്രമീകരണങ്ങള് ഏര്പ്പെടുത്തി.
തൃശൂര് ഭാഗത്തുനിന്നും എറണാകുളം ഭാഗത്തേക്ക് പോകുന്ന വാഹനങ്ങളെ കോട്ടമുറിയില് നിന്നും തിരിഞ്ഞ് സാന്ജോ നഗര്, പാറക്കൂട്ടം, കിന്ഫ്ര, കോനൂര്, പെരുമ്പി വഴി ദേശീയപ ാതയിലേക്ക് തിരിച്ചു വിടും. എറണാകുളം ഭാഗത്തുനിന്നും തൃശൂരിലേക്ക് വരുന്ന വാഹനങ്ങളെ ചിറങ്ങര മേല്പ്പാലം വഴി തിരിഞ്ഞ് ദേവമാത, കൊരട്ടി പള്ളി, കാടുകുറ്റി, മുരിങ്ങൂര് വഴി ദേശീയപാതയിലേക്ക് തിരിച്ചു വിടും. അടിപ്പതാ നിര്മാണം നടക്കുന്ന ഭാഗങ്ങളില് ഗതാഗത കുരുക്ക് ഒഴിവാക്കുവാനായാണ് ക്രമീകരണം.
ഗതാഗത നിയന്ത്രണത്തിനായി 10 പോലീസ് ഉദ്യോഗസ്ഥര്, 10 ട്രാഫിക് വാര്ഡന്മാര്, 5 സായുധ പോലീസ് സേനാംഗങ്ങള്, 2 ഹോം ഗാര്ഡുകള് എന്നിവരെ നിയോഗിച്ചു. 24 മണിക്കൂറും ചാലക്കുടി ഡി വൈ എസ് പി ഓഫീസില് പ്രവര്ത്തിച്ചു വരുന്ന കണ്ട്രോള് റൂമും ഹൈവേ പോലീസിന്റെ പ്രത്യേക നിരീക്ഷണവും സ്ഥലത്തുണ്ടാകും.
