തിരുവനന്തപുരം: നിയമസഭാ തെരഞ്ഞെടുപ്പില് ഇവിഎമ്മും തപാലും ചേര്ത്ത് കേരളത്തില് 79.63 ശതമാനം പോളിംഗ് രേഖപ്പെടുത്തിയതെന്ന് തെരഞ്ഞെടുപ്പ് കമ്മീഷന്.എന്നാല് അന്തിമ കണക്കുകള് ലഭ്യമായിട്ടില്ലെന്ന് മുഖ്യ തെരഞ്ഞെടുപ്പ് ഓഫീസര് യു. രത്തന് ഖേല്ക്കര് അറിയിച്ചു.
ബൂത്തിലെത്തി വോട്ടു ചെയ്തവര് 99,40,379 പുരുഷന്മാരും 1,13,03,410 സ്ത്രീകളും 153 ട്രാന്സ് ജെന്ഡേഴ്സുമാണ്. ആകെ 2,12,43,942 പേരാണ് ബൂത്തുകളില് വോട്ട് ചെയ്തത്.
സര്വീസ് വോട്ട് കൂടി ചേര്ത്താല് മാത്രമേ കണക്കുകള് പൂര്ണമാകൂ. നിലവില് എല്ലാ വിവരങ്ങളും രാഷ്ട്രീയ പാര്ട്ടികള്ക്ക് നല്കിയിട്ടുണ്ടെന്നും തിരഞ്ഞെടുപ്പ് കമ്മീഷണര് അറിയിച്ചു. നടപടി ക്രമങ്ങളില് കാലതാമസം ഉണ്ടായിട്ടില്ലെന്നും രത്തന് ഖേല്ക്കര് അറിയിച്ചു.സുതാര്യമായ നടപടികളാണ് സ്വീകരിച്ചത്.
പോസ്റ്റല്,സര്വീസ്, വീട്ടിലെ വോട്ട് കണക്കുകള് പൂര്ണമായി നല്കിയിട്ടില്ല. 96.3 ആണ് മുതിര്ന്ന പൗരന്മാരുടെ വോട്ട് ശതമാനം. 60,734 ഭിന്ന ശേഷിക്കാര് വോട്ട് ചെയ്തു. 96.7 ശതമാനമാണ് ഹോം വോട്ട്. 32,172 അവശ്യവിഭാഗം വോട്ട് ചെയ്തു. തെരഞ്ഞെടുപ്പ് ഡ്യൂട്ടിയുള്ള 1,35,068 ഉദ്യോഗസ്ഥര് വോട്ട് ചെയ്തു (96.37%). 3,68,193 ആണ് ആകെ പോസ്റ്റല് വോട്ടുകള്.
