ന്യൂദല്ഹി: നരേന്ദ്രമോദിയ്ക്കെതിരെ ഇട്ടിരുന്ന പോസ്റ്റുകളെല്ലാം പിന്വലിച്ച് ആം ആദ്മിയുമായി ഇടഞ്ഞുനില്ക്കുന്ന എംപി രാഘവ് ഛദ്ദ. ബിജെപിയ്ക്കെതിരായി ഇട്ട പോസ്റ്റുകളും പിന്വലിച്ചിരിക്കുകയാണ്.
ആംആദ്മിയുടെ തന്നെ കെജ്രിവാള് പക്ഷത്തുള്ള നേതാവ് സൗരഭ് ഭരദ്വാജ് ആണ് ഇക്കാര്യം ചൂണ്ടിക്കാട്ടിയിരിക്കുന്നത്. പോസ്റ്റുകള് പിന്വലിച്ചതിന്റെ സ്ക്രീന് ഷോട്ടുകള് വരെ രാഘവ് ഛദ്ദ ചൂണ്ടിക്കാണിച്ചിട്ടുണ്ട്. ഇതോടെ രാഘവ് ഛദ്ദ ബിജെപിയില് ചേരുമെന്ന അഭ്യൂഹം ശക്തമായി.
‘രാഘവ് ഛദ്ദ തന്റെ എക്സ് ടൈംലൈന് പൂര്ണ്ണമായും വൃത്തിയാക്കി. മോദിയെയോ ബിജെപിയെയോ വിമര്ശിക്കുന്ന അദ്ദേഹത്തിന്റെ പഴയ പോസ്റ്റുകളെല്ലാം അപ്രത്യക്ഷമായി. ബിജെപി’, ‘മോദി’ എന്നീ കീവേഡുകള് ഉപയോഗിച്ച് രഘവ് ഛദ്ദയുടെ മുഴുവന് അക്കൗണ്ടുകളും തിരഞ്ഞു. എന്നാല് മുമ്ബത്തെ വിമര്ശനങ്ങളൊന്നും ഇപ്പോള് കാണാനില്ല.” സൗരഭ് ഭരദ്വാജ് കൂട്ടിച്ചേര്ത്തു.
ഒരിക്കല് മോദിയുടെയും ബിജെപിയുടെയും നിശിത വിമര്ശകനായിരുന്ന രാഘവ് ഛദ്ദ തന്റെ പഴയ ഇമേജ് മായ്ച്ചുകളഞ്ഞ് പുതിയ ഒന്ന് അവതരിപ്പിക്കുകയാണ്. ഒരാളുടെ ടൈംലൈന് ഇത്തരത്തില് മാറ്റുമ്പോള്, അതിന്റെ പിന്നിലെ തയ്യാറെടുപ്പിന്റെ തോത് നിങ്ങള്ക്ക് ഊഹിക്കാവുന്നതേയുള്ളൂ.” സൗരഭ് ഭരദ്വാജ് പറഞ്ഞു.
