അമ്മയുടെ സംസ്കാരച്ചടങ്ങുകൾ ക്രിസ്ത്യൻ പള്ളിയിൽ നടത്തിയതുമായി ബന്ധപ്പെട്ട് സോഷ്യൽ മീഡിയയിൽ ഉയർന്ന പരിഹാസങ്ങൾക്ക് മറുപടിയുമായി നടൻ പ്രകാശ് രാജ്. താൻ ദൈവവിശ്വാസിയല്ലെങ്കിലും അമ്മയുടെ വിശ്വാസത്തെ താൻ ബഹുമാനിക്കുന്നുവെന്നും ആ അവകാശത്തെ തടയാൻ ആർക്കും അധികാരമില്ലെന്നും അദ്ദേഹം വ്യക്തമാക്കി.കഴിഞ്ഞ ദിവസമാണ് പ്രകാശ് രാജിന്റെ അമ്മ സുവർണലത (86) അന്തരിച്ചത്.
ക്രൈസ്തവ വിശ്വാസിയായിരുന്ന അമ്മയുടെ മൃതദേഹം പള്ളിയിൽ സംസ്കരിക്കുന്നതിന്റെ ദൃശ്യങ്ങൾ പുറത്തുവന്നതോടെയാണ് സോഷ്യൽ മീഡിയയിൽ വിമർശനം ഉയർന്നത്. പ്രകാശ് രാജ് നിരീശ്വരവാദിയാണെന്ന് മുൻപ് പറഞ്ഞിട്ടുള്ളത് ചൂണ്ടിക്കാട്ടിയായിരുന്നു സൈബർ ആക്രമണം. താൻ വിശ്വാസി അല്ലെന്ന് പറയുമ്പോഴും പ്രകാശ് രാജ് പാസ്റ്ററുമൊന്നിച്ച് പ്രാർത്ഥിക്കുന്ന ദൃശ്യങ്ങൾ സോഷ്യൽ മീഡിയ മറുപടിയായി ഇട്ടിരുന്നു.
