തിരുവനന്തപുരം: രാഷ്ട്രീയപാര്ട്ടികള്ക്ക് മുഖ്യ തെരഞ്ഞെടുപ്പ് ഓഫീസറുടെ കാര്യാലയത്തില് നിന്നയച്ച ഔദ്യോഗിക സര്ക്കുലറില് ബിജെപിയുടെ താമര ചിഹ്നം സീല് പതിച്ച കത്ത് കൂടി അയച്ചതിന് പിന്നില് ഇടത് യൂണിയന്റെ ആസൂത്രിത നീക്കം. ബിജെപിയെ പൊതുജന മധ്യത്തില് അപകീര്ത്തിപ്പെടുത്താനും തെരഞ്ഞെടുപ്പ് കമ്മിഷന്റെ ഉദ്ദേശ്യശുദ്ധിയെ ചോദ്യം ചെയ്യാനും വേണ്ടി നടത്തിയ നീക്കം. സംഭവവുമായി ബന്ധപ്പെട്ട് സസ്പെന്റ് ചെയ്ത കമ്മിഷന് ഓഫീസിലെ ഐടി വിഭാഗം കൈകാര്യം ചെയ്യുന്ന ജെയ്സില് പി. അസീസ്, തെരഞ്ഞെടുപ്പ് ചുമതലകളില് നിന്ന് ഒഴിവാക്കിയ സെക്ഷന് ഓഫീസര് പ്രനീഷ് എന്നിവര് സെക്രട്ടേറിയറ്റിലെ ഇടത് സംഘടനയായ സെക്രട്ടേറിയറ്റ് അസോസിയേഷന്റെ നേതാക്കളാണ്.
2019ല് പുറപ്പെടുവിച്ച ചില മാര്ഗനിര്ദേശങ്ങളെക്കുറിച്ച് വ്യക്തത തേടി ബിജെപി കേരള ഘടകം അടുത്തിടെ സിഇഒ ഓഫീസിനെ സമീപിച്ചിരുന്നു. അന്ന് ബിജെപി സമര്പ്പിച്ച അപേക്ഷയോടൊപ്പം 2019ലെ ഒരു പഴയ കത്തിന്റെ പകര്പ്പും ഉണ്ടായിരുന്നു. ഈ പകര്പ്പില് പാര്ട്ടിയുടെ സീല് പതിപ്പിച്ചിരുന്നു. ഈ രേഖയാണ് മറ്റ് രാഷ്ട്രീയ പാര്ട്ടികള്ക്ക് കമ്മിഷന് ഓഫീസില് നിന്ന് അയച്ച ഇ മെയിലിനൊപ്പം അയച്ചത്.
മുഖ്യ തെരഞ്ഞെടുപ്പ് ഓഫീസില് നിന്ന് ഒരു കത്ത് അയയ്ക്കുമ്പോള് ബന്ധപ്പെട്ട ഉദ്യോഗസ്ഥര് പരിശോധിച്ച ശേഷമാണ് അയയ്ക്കന്നത്. ഇവിടെ സെക്ഷന് ഓഫീസറായ ഐഎഎസ് ഉദ്യോഗസ്ഥന് മിഷാല് സാഗര് ഭാരത് കത്ത് പരിശോധിച്ച ശേഷം അയയ്ക്കാന് അനുമതി നല്കി. ഐടി വിഭാഗത്തിനാണ് കത്ത് അയക്കേണ്ടതിന്റെ ചുമതല. എന്നാല് ഇതിന് ശേഷം ബിജെപിയുടെ സീല് പതിച്ച കത്ത് കൂടി കടന്ന് കൂടണമെങ്കില് ഈ കത്ത് ഫയലില് നിന്ന് നല്കുകയോ അല്ലെങ്കില് ഇ മെയിലില് നിന്ന് ഐടി വിഭാത്തിലേക്കോ നല്കണം.
കത്ത് അയച്ചതില് പിഴവ് കണ്ടെത്തിയതിനെ തുടര്ന്ന് പിറ്റേ ദിവസം തന്നെ അത് ചൂണ്ടിക്കാട്ടി രാഷ്ട്രീയ പാര്ട്ടികള്ക്ക് കത്ത് അയച്ചു. ഇത് എല്ലാ രാഷ്ട്രീയ പാര്ട്ടികളും അംഗീകരിക്കുകയും ചെയ്തു. എന്നാല് രണ്ട് ദിവസം കഴിഞ്ഞാണ് സമൂഹ മാധ്യമങ്ങളിലുടെ തെരഞ്ഞെടുപ്പ് കമ്മിഷന് അധിക്ഷേപവുമായി സിപിഎം രംഗത്ത് വരുന്നത്. സംഭവം പൂഴ്ത്തിവച്ചു എന്നാണ് സിപിഎമ്മിന്റെ ആരോപണം. സിപിഎം വിഷയം പുറത്ത് പറയുന്നതിന് മുമ്പേ സംസ്ഥാനത്തെ എല്ലാ അംഗീകൃത രാഷ്ട്രീയ പാര്ട്ടികള്ക്കും തിരുത്തിയ കത്ത് ലഭിച്ചിട്ടുണ്ട്. എന്നിട്ടും വിഷയം പുഴ്ത്തിവച്ചെന്ന ആരോപണവുമായി സിപിഎം രംഗത്ത് വന്നത് ആസൂത്രിത നീക്കത്തിന്റെ ഭാഗമാണ്. തെരഞ്ഞെടുപ്പ് കമ്മിഷന് ഓഫീസിലെ വിവരങ്ങള് പാര്ട്ടി ഓഫീസില് ലഭിക്കുന്നതിന് വേണ്ടി സിപിഎമ്മിന്റെ തൊഴിലാളി യൂണിയനില് പെട്ട ജീവനക്കാരെയാണ് സിഇഒയുടെ ഓഫീസിലേക്ക് അയച്ചിട്ടുള്ളത്. സംഭവത്തിലെ ദുരൂഹത അന്വേഷിക്കണമെന്ന് ബിജെപി ആവശ്യപ്പെട്ടിട്ടുണ്ട്.
