ബെർലിൻ : ഇറാൻ സംഘർഷത്തിൽ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ നടപടികളെ ജർമ്മൻ ചാൻസലർ ഫ്രെഡറിക് മെർസ് നിശിതമായി വിമർശിച്ചതായി ജർമ്മൻ പ്രസ് ഏജൻസി റിപ്പോർട്ട് ചെയ്തു.
“ട്രംപ് ഇപ്പോൾ ചെയ്യുന്നത് സംഘർഷം ലഘൂകരിക്കുകയോ സമാധാനപരമായ ഒരു പരിഹാരത്തിലെത്താനുള്ള ശ്രമമോ അല്ല, മറിച്ച് അനിശ്ചിതമായ ഫലമുണ്ടാക്കുന്ന ഒരു വലിയ സംഘർഷമാണ്,” – വെള്ളിയാഴ്ച വൈകുന്നേരം ഫ്രാങ്ക്ഫർട്ടിൽ നടന്ന ഒരു പരിപാടിയിൽ മെർസ് പറഞ്ഞു.
കൂടാതെ ഇവ ഭീഷണി ഉയർത്തുന്ന സംഘർഷങ്ങളാണെന്നും അദ്ദേഹം പറഞ്ഞു. നേരിട്ട് ബാധിക്കുന്നവർക്ക് മാത്രമല്ല നമുക്കെല്ലാവർക്കും ഇത് വെല്ലുവിളി ഉയർത്തുന്നുവെന്നും മെർസ് കൂട്ടിച്ചേർത്തു.
