ആലപ്പുഴ: പൊളിറ്റിക്കല് ക്രിമനലുകളുടെ ഹെഡ്ക്വാര്ട്ടേഴ്സായി ചെങ്ങന്നൂരിനെ മാറ്റിയത് മന്ത്രി സജി ചെറിയാനാണെന്ന് സി പി എം വിട്ട മുന് മന്ത്രി ജി സുധാകരന്. തന്നെ സൈക്കോപ്പാത്തെന്ന വിളിച്ച ഡി വൈ എഫ് ഐ നേതാവ് ജെയിംസ് സാമുവല് സജി ചെറിയാന്റെ ക്രിമിനല് സംഘത്തില് പെട്ടയാളാണ്. മണ്ണ് കച്ചവടവും റിയല് എസ്റ്റേറ്റും നടത്തുന്നവരെ നേതാക്കളാക്കി. സജി ചെറിയാന് പങ്കില്ലാത്ത കച്ചവടമില്ല
63 വര്ഷം നീണ്ട സിപിഎം അംഗത്വം ഉപേക്ഷിച്ചാണ് ജി സുധാകരന് കോണ്ഗ്രസ് പിന്തുണയോടെ അമ്പലപ്പുഴയില് മത്സരിക്കുന്നത്.അവഗണന, അധിക്ഷേപം, എം വി ഗോവിന്ദന് താന് പരിഗണന അര്ഹിക്കുന്നില്ലെന്നു പറഞ്ഞത് ഒക്കെ ചൂണ്ടിക്കാട്ടിയാണ് സുധാകരന് സി പി എം വിട്ടത്.
അഴിമതിക്കാര്ക്കും ക്രിമിനല് – മാഫിയാ രാഷ്ട്രീയം കൈയാളുന്നവര്ക്കുമെതിരെ ഉള്ള നിലപാടിന്റെ ഭാഗമായാണ് അമ്പലപ്പുഴ അസംബ്ലി മണ്ഡലത്തില് ജനകീയ സ്വതന്ത്ര സ്ഥാനാര്ഥിയായി മത്സരിക്കാന് തീരുമാനിച്ചതെന്നാണ് ജി സുധാകരന്റെ വാദം.
