ടെഹ്റാൻ : തെക്കൻ പ്രവിശ്യയിൽ നിന്ന് പൊട്ടിത്തെറിക്കാത്ത 120 ലധികം ക്ലസ്റ്റർ ബോംബുകൾ കണ്ടെത്തി നശിപ്പിച്ചതായി ഇസ്ലാമിക് റെവല്യൂഷണറി ഗാർഡ് കോർപ്സ് ശനിയാഴ്ച അറിയിച്ചു. അമേരിക്കയും ഇസ്രായേലും അടുത്തിടെ നടത്തിയ ആക്രമണങ്ങളിൽ ഇവ വർഷിച്ചതാണെന്നും അവർ ആരോപിച്ചു.
ഷിറാസിനു ചുറ്റുമായി 122 ക്ലസ്റ്റർ ബോംബുകൾ കണ്ടെത്തി നശിപ്പിച്ചതായി ഫാർസ് പ്രവിശ്യയിലെ ഗാർഡുകളുടെ പബ്ലിക് റിലേഷൻസ് ഡെപ്യൂട്ടി ഹെഡ് ജലാൽ യർമോഹമ്മദി ഐഎസ്എൻഎ വാർത്താ ഏജൻസിയെ ഉദ്ധരിച്ച് പറഞ്ഞു.
