പത്തനംതിട്ട: കൊടുമണില് തെരുവുനായയുടെ കടിയേറ്റ് എല്കെജി വിദ്യാര്ഥികളായ ഇരട്ടക്കുട്ടികള്ക്ക് ഗുരുതര പരിക്കേറ്റു. പറന്തല് പൊങ്ങലടി തെങ്ങുവിളയില് വിവേക്, വിവേകി എന്നീ കുട്ടികള്ക്കാണ് നായയുടെ കടിയേറ്റത്.
വ്യാഴാഴ്ച വൈകുന്നേരമാണ് സംഭവം.കുട്ടികള് ട്യൂഷന് കഴിഞ്ഞ് മടങ്ങുന്നതിനിടെയാണ് ആക്രമണമുണ്ടായത്. മുഖത്തും കൈകള്ക്കും ഗുരുതര പരിക്കേറ്റിട്ടുണ്ട്. ഇവരെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഇവരെ കൂടാതെ കരിപ്പോലില് വീട്ടില് സുജ, മടുക്കവിളയില് ഷിജു എന്നിവര്ക്കും നായയുടെ കടിയേറ്റു സുജയുടെ ഇടതു കൈയ്ക്കും ഷിജുവിന്റെ മുഖത്തുമാണ് കടിയേറ്റത്. നായയെ നാട്ടുകാര് അടിച്ചു കൊന്നു.
