മലപ്പുറം: പാണക്കാട് സാദിഖലി ശിഹാബ് തങ്ങളെ സമൂഹ മാധ്യമം വഴി അധിക്ഷേപിച്ചെന്ന കേസിലെ പ്രതി മുഹമ്മദ് റോഷനായി തെരച്ചില് ഊര്ജ്ജിതമാക്കി അന്വേഷണ സംഘം. ഇയാള് ജില്ല വിട്ടതായാണ് സൂചന. വ്യാജ ചിത്രങ്ങള് കാണിച്ച് ഭീഷണിപ്പെടുത്തി സാദിഖലി തങ്ങളുടെ ബന്ധുവില് നിന്നും 15 കോടി തട്ടിയെടുക്കാന് ശ്രമിച്ചതിന്റെ തെളിവുകള് പലീസിന് കിട്ടിയിട്ടുണ്ട്.
ഭീഷണിക്ക് വഴങ്ങാതായതോടെയാണ് ഇയാള് വ്യാജ ഫേസ്ബുക്ക് അക്കൗണ്ടുണ്ടാക്കി സാദിഖലി തങ്ങളെ അധിക്ഷേപിക്കുന്ന തരത്തിലുള്ള പരാമര്ശങ്ങള് പോസ്റ്റ് ചെയ്തത്. സാദിഖലി തങ്ങളെ അപകീർത്തിപ്പെടുത്തുന്ന തരത്തിൽ ഷാൻ ഷാനു എന്ന ഫേസ്ബുക്ക് പ്രൊഫൈലിൽ ആയിരുന്നു ആദ്യം പോസ്റ്റ് പ്രത്യക്ഷപ്പെട്ടത്.. ഇയാളെ കസ്റ്റഡിയിലെടുത്ത് ചോദ്യം ചെയ്താല് മാത്രമേ മറ്റാര്ക്കെങ്കിലും സംഭവത്തില് പങ്കുണ്ടോയെന്ന കാര്യം സ്ഥിരീകരിക്കാന് കഴിയൂവെന്നാണ് പൊലീസ് പറയുന്നത്.
പിന്നീട് സാദിഖലി തങ്ങളുടെ വ്യാജ ചിത്രങ്ങൾ കാട്ടി ബന്ധുവായ തന്നെ കാപ്പ കേസ് പ്രതി മുഹമ്മദ് റോഷൻ ഭീഷണിപ്പെടുത്തിയിരുന്നെന്നു കാണിച്ചു മു ഈനലി തങ്ങൾ മലപ്പുറം എസ് പിക്ക് പരാതി നൽകിയത്. ഈ പരാതിയിലാണ് പെരിന്തൽമണ്ണ പൊലീസ് മുഹമ്മദ് റോഷന് എതിരെ കേസെടുത്തത്.
