പാലക്കാട്: അട്ടപ്പാടിയില് കാട്ടാന ആക്രമണത്തില് പരിക്കേറ്റ് ചികിത്സയില് കഴിഞ്ഞിരുന്ന കടമ്പാറ ഉന്നതിയിലെ രങ്കസ്വാമി മരിച്ചു. ഈ മാസം ഒന്പതിനാണ് വീടിനു മുന്നില് വച്ച് കാട്ടാന ആക്രമിച്ചത്.
പുലര്ച്ചെ ഷോളയൂരിലെ ഉന്നതിക്ക് സമീപമുള്ള തോട്ടിലേക്ക് നടക്കവെ രങ്കസ്വാമിയെ കാട്ടാന ആക്രമിക്കുകയായിരുന്നു. ആക്രമണത്തില് ഇദ്ദേഹത്തിന്റെ നട്ടെല്ലിന് ഗുരുതര പരിക്കേറ്റു.
ആദ്യം കോട്ടത്തറയിലെ ട്രൈബല് താലൂക്ക് ആശുപത്രിയിലും പിന്നീട് തൃശൂര് മെഡിക്കല് കോളേജ് ആശുപത്രിയിലും പ്രവേശിപ്പിച്ചു. തൃശൂര് മെഡിക്കല് കോളേജില് ചികിത്സയിലിരിക്കെയാണ് മരണം. മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
