ന്യൂദല്ഹി : രാജ്യത്തെ ആദ്യത്തെ ദയാവധത്തിന് വിധേയനായി ഹരീഷ് റാണ.13 വര്ഷമായി കോമയിലായിരുന്ന ഹരീഷ് റാണയുടെ അന്ത്യം ദല്ഹി എയിംസിലായിന്നു.
ഹരീഷ് റാണയുടെ ദുരിതം അവസാനിപ്പിക്കാന് ദയാവധം നല്കണമെന്ന മാതാപിതാക്കളുടെ ആവശ്യം സുപ്രീംകോടതി അനുവദിച്ചിരുന്നു.മെഡിക്കല് ബോര്ഡിന്റെ റിപ്പോര്ട്ട് പരിശോധിച്ച ശേഷമാണ് സുപ്രീംകോടതി ദയാവധത്തിന് അനുമതി നല്കിയത്.2013-ല് ചണ്ഡീഗഡിലെ പഠനത്തിനിടെ കെട്ടിടത്തിന് മുകളില് നിന്ന് വീണാണ് ഹരീഷിന് തലയ്ക്ക് ഗുരുതരമായി പരിക്കേറ്റത്. മകന്റെ ദുരിതം കാണാന് വയ്യെന്നും സാമ്പത്തികമായി തകര്ന്നുവെന്നും ചൂണ്ടിക്കാട്ടിയാണ് മാതാപിതാക്കള് ദയാവധം ആവശ്യപ്പെട്ട് കോടതിയെ സമീപിച്ചത്.
ദയാവധത്തിന് അനുമതി നല്കിയതോടെ മാര്ച്ച് 14-ന് ഗാസിയാബാദിലെ വീട്ടില് നിന്ന് ഹരീഷ് റാണയെ ദല്ഹി എയിംസിലെ ഡോ. ബി.ആര്. അംബേദ്കര് ഇന്സ്റ്റിറ്റ്യൂട്ട് റോട്ടറി കാന്സര് ഹോസ്പിറ്റലിലെ പാലിയേറ്റീവ് കെയര് യൂണിറ്റിലേക്ക് മാറ്റി. മെഡിക്കല് മാര്ഗനിര്ദ്ദേശത്തിന് അനുസൃതമായി ഘട്ടം ഘട്ടമായി ചികിത്സ അവസാനിപ്പിക്കുകയായിരുന്നു.
