തിരുവനന്തപുരം: മെഴുകുതിരിയില്‍നിന്ന് തീ പടര്‍ന്നു വീട് കത്തിനശിച്ചു.വെങ്ങാനൂരില്‍ ആണ് സംഭവം. വയോധികരായ ദമ്പതിമാര്‍ താമസിച്ചിരുന്ന വീടാണ് തീപ്പിടിത്തത്തില്‍ പൂര്‍ണമായും കത്തിനശിച്ചത്.
ശനിയാഴ്ച രാവിലെയാണ് തീപ്പിടിത്തം ഉണ്ടായത്. വീടിനുള്ളില്‍ കുടുങ്ങിയ ദമ്പതിമാരായ ശശി, ഭാര്യ ചന്ദ്രകുമാരി എന്നിവരെ അയല്‍വാസികള്‍ രക്ഷപ്പെടുത്തി.
പ്രാര്‍ഥനാ മുറിയില്‍ കത്തിച്ചുവച്ച മെഴുകുതിരിയില്‍ നിന്നാണ് തീ പടര്‍ന്നതെന്നാണ് പ്രാഥമിക നിഗമനം. അഗ്‌നിരക്ഷാ സേനയെത്തിയാണ് തീ കെടുത്തിയത്.
