ടെഹ്റാൻ: യുഎസിനെതിരായ യുദ്ധം ശക്തമാക്കിക്കൊണ്ട് ശനിയാഴ്ച ഇറാൻ ഇന്ത്യൻ മഹാ സമുദ്രത്തിന്റെ മധ്യത്തിലുള്ള യുഎസ്-യുകെ സംയുക്ത സൈനിക താവളമായ ഡീഗോ ഗാർസിയയിലേക്ക് രണ്ട് ഇന്റർമീഡിയറ്റ് റേഞ്ച് ബാലിസ്റ്റിക് മിസൈലുകൾ തൊടുത്തുവിട്ടു. ഈ ആക്രമണം സ്ഥിരീകരിച്ചാൽ, ഇറാന്റെ ആദ്യത്തെ പ്രവർത്തനക്ഷമമായ ഐആർബിഎമ്മുകളുടെ ഉപയോഗവും മിഡിൽ ഈസ്റ്റിന് അപ്പുറത്തുള്ള പ്രദേശങ്ങൾ ലക്ഷ്യമാക്കി യുഎസ് താൽപ്പര്യങ്ങൾക്ക് ഭീഷണിയാകാനുള്ള ഒരു പ്രധാന ശ്രമവുമായിരിക്കും.
ഇത് മുമ്പ് കരുതിയിരുന്നതിനേക്കാൾ കൂടുതൽ ദൂരപരിധിയുള്ള മിസൈലുകൾ തങ്ങളുടെ കൈവശമുണ്ടെന്ന് ഇറാൻ അവകാശവാദം ഉന്നയിച്ചിരുന്നു.
എന്നിരുന്നാലും ഇറാനിയൻ പ്രദേശത്ത് നിന്ന് 4,000 കിലോമീറ്റർ അകലെയുള്ള താവളത്തിൽ ഒരു മിസൈലും പതിച്ചില്ലെന്ന് നിരവധി യുഎസ് ഉദ്യോഗസ്ഥരെ ഉദ്ധരിച്ച് വാൾ സ്ട്രീറ്റ് ജേണൽ റിപ്പോർട്ട് ചെയ്തു. മിസൈലുകളിൽ ഒന്ന് പറക്കലിൽ പരാജയപ്പെട്ടുന്നും മറ്റൊന്ന് യുഎസ് യുദ്ധക്കപ്പലിൽ നിന്ന് തൊടുത്തുവിട്ട ഒരു SM-3 ഇന്റർസെപ്റ്റർ ഉപയോഗിച്ച് തടഞ്ഞുവെന്നുമാണ് മാധ്യമത്തെ ഉദ്ധരിച്ച് അമേരിക്കൻ ഉദ്യോഗസ്ഥൻ പറഞ്ഞത്.
ഇറാനിലെ പ്രതിരോധ പ്രവർത്തനങ്ങൾക്കായി ബ്രിട്ടൻ അമേരിക്കയ്ക്ക് ഉപയോഗിക്കാൻ അനുവദിക്കുന്ന രണ്ട് താവളങ്ങളിൽ ഒന്നാണ് ചാഗോസ് ദ്വീപുകളിലെ ഡീഗോ ഗാർസിയ. യുദ്ധം ആരംഭിച്ചതിനുശേഷം അമേരിക്കൻ സൈന്യം ബോംബറുകളും മറ്റ് ഉപകരണങ്ങളും ആ താവളത്തിൽ വിന്യസിച്ചിട്ടുണ്ട്. അഫ്ഗാനിസ്ഥാനിലും ഇറാഖിലും യുഎസ് നടത്തിയ ബോംബിംഗ് കാമ്പെയ്നുകൾ ഉൾപ്പെടെ നിരവധി ഏഷ്യൻ പ്രവർത്തനങ്ങൾക്ക് ഈ ദ്വീപ് നിർണായകമായിരുന്നു.
