തിരുവനന്തപുരം: നമ്മുടെ മക്കളെ നമുക്ക് നഷ്ടപ്പെടുത്തുന്ന സിപിഎമ്മിന്റെ ഈ രാഷ്ട്രീയത്തെ രക്ഷിതാക്കൾ ഭയക്കണമെന്ന് ഹിന്ദു ഐക്യവേദി സംസ്ഥാന രക്ഷാധികാരി കെ.പി ശശികല ടീച്ചർ. കഴിയുന്നത്ര അകലത്തിൽ സിപിഎമ്മിനെ മാറ്റി നിർത്തണമെന്നും അവർ ആവശ്യപ്പെടുന്നു. വീട്ടുകാരുടെ സമ്മതമില്ലാതെ മൊണാലിസയുടേയുടെയും ഫർമാൻ്റേയും വിവാഹം നടത്തിക്കൊടുത്തതിനെ വിമർശിച്ചായിരുന്നു ശശികല ടീച്ചറുടെ ഫേസ്ബുക്ക് പോസ്റ്റ്.
മനുഷ്യർ മൃഗതുല്യരെന്ന് വിശ്വസിക്കുന്ന സിപിഎമ്മിന് എന്ത് കുടുംബം. കല്യാണത്തിന് മുട്ടി മണ്ടി വന്ന രണ്ടെണ്ണത്തിനെ ചാടിക്കേറി പിടിച്ചു കെട്ടിക്കും മുമ്പ് രണ്ടുകുടുംബങ്ങളേയും ഇവിടെ എത്തിക്കേണ്ട ഒരു മര്യാദ ഉണ്ടായിരുന്നില്ലേയെന്ന് ശശികല ടീച്ചർ ചോദിക്കുന്നു. രക്ഷിതാക്കളും മക്കളും സമവായത്തിലെത്തുന്നില്ലങ്കിൽ മാത്രമല്ലേ പോലീസ് സംരക്ഷണയിൽ നിയമപരമായ വിവാഹത്തിലേക്ക് കടക്കേണ്ടതുള്ളൂവെന്നും ടീച്ചർ ചോദിക്കുന്നു.
ശശികല ടീച്ചറുടെ പോസ്റ്റ്
മനുഷ്യർ മൃഗതുല്യരെന്ന് വിശ്വസിക്കുന്ന CPM ന് എന്തു കുടുംബം ?
കല്യാണത്തിന് മുട്ടി മണ്ടി വന്ന രണ്ടെണ്ണത്തിനെ ചാടിക്കേറി പിടിച്ചു കെട്ടിക്കും മുമ്പ് രണ്ടുകുടുംബങ്ങളേയും ഇവിടെ എത്തിക്കേണ്ട ഒരു മര്യാദ ഉണ്ടായിരുന്നില്ലേ ?
അവരോട് സംസാരിക്കേണ്ടിയിരുന്നില്ലേ ?
അവർ ഈ മക്കളോട് വിവരങ്ങൾ ചോദിച്ചറിയാൻ ഒരവസരം ഉണ്ടാകേണ്ടതല്ലായിരുന്നോ ?
അവർ ഹാജരാക്കിയ രേഖകൾ അതിന്റെ Source മായി ബന്ധപ്പെട്ട് cross check നടത്തേണ്ടിയിരുന്നില്ലേ ?
ഇതെല്ലാം കഴിയുന്നതുവരെ ആ മക്കളെ Police സംരക്ഷണയിൽ നിർത്താമായിരുന്നില്ലേ ?
രക്ഷിതാക്കളും മക്കളും സമവായത്തിലെ ത്തുന്നില്ലങ്കിൽ മാത്രമല്ലേ police സംരക്ഷണയിൽ നിയമപരമായ വിവാഹത്തിലേക്ക് കടക്കേണ്ടതുള്ള?
രക്ഷിതാക്കൾ ശ്രദ്ധിക്കുക
നമ്മുടെ മക്കളെ നമുക്ക് നഷ്ടപ്പെടുത്തുന്ന CPM ന്റെ ഈ രാഷ്ട്രീയത്തെ ഭയക്കുക –
കഴിയുന്നത്ര അകലത്തേക്ക് മാറ്റി നിർത്തുക.
