തൃശൂര്: മീന്പിടിക്കാനെന്ന വ്യാജേന കഞ്ചാവ് വില്പന നടത്തിവന്നിരുന്ന നാട്ടിക ബീച്ച് സ്വദേശി പുഞ്ചപ്പാടത്ത് വീട്ടില് വിഷ്ണു (37) നെയാണ് അറസ്റ്റ് ചെയ്തത്. മുന്തിയ ഇനം ഗ്രീന്സ് ഇനത്തില്പ്പെട്ട കഞ്ചാവാണ് പിടിച്ചെടുത്തത്.
വീടിന്റെ ടെറസിനു മുകളില് ഒളിപ്പിച്ച നിലയില് വില്പ്പനക്കായി സൂക്ഷിച്ച മുന്തിയ ഇനം ഗ്രീന്സ് ഇനത്തില്പ്പെട്ട 6 കിലോ 830 ഗ്രാം കഞ്ചാവും വ്യത്യസ്ത ആകൃതികളിലുള്ള അഞ്ച് വടിവാളുകള്, പ്രത്യേക തരം കത്തി, എയര്ഗണ്, കഞ്ചാവ് തൂക്കം നോക്കുന്നതിനുള്ള ഡിജിറ്റല് ത്രാസ്സ്, കഞ്ചാവ് പാക്ക് ചെയ്യാന് ഉപയോഗിക്കുന്ന ചെറിയ പോളിത്തീന് കവറുകള് എന്നിവയാണ് ഇയാളുടെ പക്കല് നിന്നും പിടിച്ചെടുത്തത്.
റൂറല് ജില്ലാ പോലീസ് മേധാവി ബി കൃഷ്ണകുമാറി ന്റെ നേതൃത്വത്തില് തൃശ്ശൂര് റൂറല് ഡാന്സാഫ് സംഘവും വലപ്പാട് പോലീസും ചേര്ന്നാണ് പ്രതിയെ അറസ്റ്റ് ചെയ്തത്. പിടിക്കപ്പെടാതിരിക്കാന് നാട്ടിന്പുറങ്ങളിലെ തോടുകളിലും കുളങ്ങളിലും വലയുമായി മീന്പിടിക്കാന് പോകുന്ന രീതിയായിരുന്നു പ്രതിയുടേത്. മീന്പിടുത്തക്കാരന് എന്ന വ്യാജേന ആളൊഴിഞ്ഞ സ്ഥലങ്ങളില് വെച്ചാണ് ആവശ്യക്കാര്ക്ക് കഞ്ചാവ് കൈമാറിയിരുന്നത്. ഇത്തരത്തില് കഞ്ചാവ് വില്പ്പന നടത്തുന്നതായി തൃശ്ശൂര് റൂറല് ജില്ലാ പേ ാലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഇയാളുടെ വീട്ടില് പരിശോധന നടത്തിയത്.
നേരത്തെ വിഷ്ണു മലപ്പുറം ജില്ലയിലും ഇടുക്കി ജില്ലയിലും കഞ്ചാവുമായി അറസ്റ്റിലായിട്ടുണ്ട്.
