കോട്ടയം: അമേരിക്ക ടോര്പിഡോ വച്ച് മുക്കിയ ഇറാന്റെ യുദ്ധക്കപ്പലിനുവേണ്ടി കണ്ണീരൊഴുക്കി മലയാളമനോരമ. ഇക്കാര്യത്തില് ഇന്ത്യ എന്ത് നടപടിയെടുത്തുവെന്ന ചോദ്യമാണ് എഡിറ്റോറിയല് പേജിലെ മുഖ്യലേഖനത്തില് ഉന്നയിക്കുന്നത്. ഇറാന്റെ പ്രതിരോധ മന്ത്രിയെ വിശ്വാസത്തിലെടുക്കുന്ന മനോരമ ഇന്ത്യന് നാവിക സേനയുടെ വിശദീകരണം തള്ളുകയാണ്. പശ്ചിമേഷ്യന് സംഘര്ഷത്തില് അനാവശ്യമായി ഇന്ത്യയെ പ്രതിക്കൂട്ടില് നിര്ത്തുകയും ഇറാനെ പിന്തുണയ്ക്കുകയും ചെയ്യുന്ന സോണിയ ഗാന്ധിയെപ്പോലുളളവരുടെ ഭാഷയാണ് മനോരമ ഈ നെടുങ്കന് റിപ്പോര്ട്ടില് ഉപയോഗിക്കുന്നത്. ഇറാന്റെ യുദ്ധക്കപ്പലിനുവേണ്ടിയുള്ള തെരച്ചിലില് ഇന്ത്യന് നാവികസേന സേനയും പങ്കെടുത്തുവെന്ന് ഔദ്യോഗികമായി വ്യക്തമാക്കപ്പെട്ടിട്ടും മനോരമ വിശ്വസിക്കുന്നില്ല. ഇറാന്റെ പ്രതിരോധ മന്ത്രിയുടെ വാക്കുകള്ക്കാണ് റിപ്പോര്ട്ട് ചെവികൊടുക്കുന്നത്. ഇറാന്റെ പക്ഷത്ത് നിന്ന് ഇന്ത്യയെ കുറ്റപ്പെടുത്താനുള്ള പരിശ്രമമാണ് റിപ്പോര്ട്ടില് ഉടനീളം കാണുന്നത്.
ഇറാന്റെ കപ്പല് യുഎസ് ആക്രമണത്തില് മുങ്ങിയപ്പോള് കൊച്ചിയില് നിന്നുള്ള ഐഎന്എസ് ഇക്ഷാക് അടക്കം തെരച്ചില് ദൗത്യത്തിന്റെ ഭാഗമായിരുന്നുവെന്ന് നാവികസേന നേരത്തെ വ്യക്തമാക്കിയിരുന്നു.
