കൊച്ചി: തൊണ്ടിമുതല് തിരിമറിക്കേസില് വിചാരണക്കോടതി ശിക്ഷിച്ച മുന്മന്ത്രി ആന്റണി രാജുവിന്റെ രാഷ്ട്രീയ മോഹത്തിന് തടയിട്ട് സ്വന്തം മുന്നണി ഭരിക്കുന്ന സര്ക്കാര്. ശിക്ഷ നടപ്പാക്കുന്നത് തടയണമെന്ന് ആവശ്യപ്പെട്ട് ഹൈക്കോടതയില് ആന്റണി രാജു നല്കിയ അപ്പീലില് സര്ക്കാര് എതിര്പ്പറിയിച്ചു. തെരഞ്ഞെടുപ്പില് മത്സരിക്കാനുള്ള അയോഗ്യത ഒഴിവാക്കിക്കിട്ടാനാണ് ആന്റണി രാജു വിധിക്കെതിരെ അപ്പീല് നല്കിയത്. എന്നാല് ആന്റണി രാജു കൃത്രിമം നടത്തിയെന്നത് വിചാരണക്കോടതി തെളിവ് സഹിതം കണ്ടെത്തിയതാണെന്നും ശിക്ഷ നടപ്പാക്കുന്നത് മരവിപ്പിക്കണമെന്ന ആവശ്യം അംഗീകരിക്കരുതെന്നും സര്ക്കാര് അഭിഭാഷകന് കോടതിയില് ആവശ്യപ്പെട്ടു. തെരഞ്ഞെടുപ്പില് മത്സരിക്കണമെന്നത് ആന്റണി രാജുവിന്റെ രാഷ്ട്രീയ ആവശ്യം മാത്രമാണെന്നും അസാധാരണ സാഹചര്യത്തില് മാത്രമാണ് ശിക്ഷ മരവിപ്പിക്കേണ്ടതെന്നും സര്ക്കാര് ചൂണ്ടിക്കാട്ടി.
തൊണ്ടിമുതല് തിരിമറിക്കേസ് : മുന്മന്ത്രി ആന്റണി രാജുവിന്റെ രാഷ്ട്രീയ മോഹത്തിന് തടയിട്ട് സര്ക്കാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.