തിരുവനന്തപുരം: സര്വീസ് സംഘടനകളില് നിന്ന് കടുത്ത പ്രതിഷേധം ഉയര്ന്നതോടെ സര്ക്കാര് ജീവനക്കാര്ക്കും അധ്യാപകര്ക്കുമായി ലഭ്യമാക്കിയ ഡി.എയ്ക്ക് മുന്കാല പ്രാബല്യം നല്കി കുടിശ്ശിക അനുവദിച്ച് സര്ക്കാര് ഉത്തരവായി. സര്വീസ് പെന്ഷന്കാരുടെ ഡി.ആര് കുടിശ്ശികയും ലഭിക്കും. നേരത്തെ അനുവദിച്ച ഡി.എ, ഡി.ആര് ഗഡുക്കള്ക്കെല്ലാം മുന്കാല പ്രാബല്യം നല്കി കൊണ്ടാണ് കുടിശിക അനുവദിച്ചത്. യു.ജി.സി, എ.ഐ.സി.ടി.ഇ, മെഡിക്കല് എഡ്യുക്കേഷന് സ്കീമില് ഉള്പ്പെട്ട അധ്യാപകര്ക്ക് ഉള്പ്പെടെ കുടിശ്ശിക ലഭിക്കും. ഇത് വരുന്ന സാമ്പത്തിക വര്ഷം മുതല് എട്ട് ഗഡുക്കളായി വിതരണം ചെയ്യാനാണ് തീരുമാനം. നേരത്തെ ഡി.എ പ്രഖ്യാപിച്ചെങ്കിലും മുന് കാല പ്രാബല്യം നല്കിയിരുന്നില്ല. ഇത് സര്ക്കാര് അനുകൂല സംഘടനകളിലും നിന്നടക്കം വലിയ പ്രതിഷേധത്തിന് കാരണമായിരുന്നു. തെരഞ്ഞെടുപ്പ് പടിവാതില്ക്കല് നില്ക്കെ ജീവനക്കാരെ പിണക്കുന്നത് തിരിച്ചടിക്കു കാരണമാകുമെന്ന വിലയിരുത്തലിലാണ് ഇപ്പോള് മുന്കാല പ്രാബല്യം അനുവദിക്കാന് തീരുമാനിച്ചത്. എന്നാല് ഈ സര്ക്കാരിന് ഒന്നോ രണ്ടോ മാസത്തെ മാത്രമേ സാമ്പത്തിക ബാധ്യത വരുന്നുളളൂ. ഗഡുക്കളായി നല്കുന്നതിനാല് അടുത്ത സര്ക്കാരിനാവും ഇതു നല്കേണ്ട ബാധ്യത.
പ്രതിഷേധം ഉയര്ന്നതോടെ ഡി.എ, ഡി.ആര് കുടിശ്ശിക അനുവദിച്ച് സര്ക്കാര്, വിതരണം എട്ട് ഗഡുക്കളായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.