കൊച്ചി: സംസ്ഥാന സര്ക്കാരിനെതിരെ നാലാംവട്ട സമരം ആരംഭിക്കാന് എറണാകുളത്ത് ചേര്ന്ന കെഎസ്ടി എംപ്ലോയീസ് സംഘ് (ബിഎംഎസ്) സംസ്ഥാന പ്രവര്ത്തക സമിതി യോഗം തീരുമാനിച്ചു. ഡിഎ ഇല്ലാത്ത ഞങ്ങള്ക്കും ജീവിക്കണം, ഡിഎ ഔദാര്യമല്ല അവകാശമാണ് എന്ന മുദ്രാവാക്യമുയര്ത്തി 37 ശതമാം ഡിഎ കുടിശ്ശികയാക്കിയ പിണറായി സര്ക്കാരിനെതിരെ സംസ്ഥാന പ്രവര്ത്തകസമിതി അംഗങ്ങളുടെ നേതൃത്വത്തില് 28ന് സെക്രട്ടേറിയറ്റിന് മുന്പില് ഉപവാസം നടത്തും.
യോഗം ബിഎംഎസ് സംസ്ഥാന സെക്രട്ടറി കെ.വി. മധുകുമാര് ഉദ്ഘാടനം ചെയ്തു. സംസ്ഥാന വര്ക്കിങ് പ്രസിഡന്റ് സി. ഹരീഷ് കുമാര് അധ്യക്ഷത വഹിച്ചു. സംഘടനാ സെക്രട്ടറി കെ. മഹേഷ്, ജനറല് സെക്രട്ടറി എസ്. അജയകുമാര്, ഡെ. ജനറല് സെക്രട്ടറി പ്രദീപ് വി. നായര്, ട്രഷറര് ആര്.എല്. ബിജുകുമാര് എന്നിവര് സംസാരിച്ചു. കെഎസ്ആര്ടിസിയില് മികച്ച ഡ്രൈവര്മാരായി തെരഞ്ഞെടുക്കപ്പെട്ട സംഘടനാംഗങ്ങളെ യോഗത്തില് ആദരിച്ചു. സംസ്ഥാന സെക്രട്ടറി പി.കെ. സുഹൃദ്കൃഷ്ണ സ്വാഗതവും എറണാകുളം വെസ്റ്റ് ജില്ലാ സെക്രട്ടറി എന്.ആര്. അനൂപ് കൃതജ്ഞതയും രേഖപ്പെടുത്തി.
