കൊച്ചി : തങ്ങൾ കേന്ദ്ര സർക്കാരിന് മുകളിലാണെന്ന് കാണിക്കാനുള്ള ശ്രമമാണ് നേറ്റിവിറ്റി സർട്ടിഫിക്കറ്റെന്ന് ഡോ. ടി പി സെൻ കുമാർ . ഇങ്ങനെ സ്വന്തം അധികാരത്തിൽ ഇല്ലാത്ത കാര്യങ്ങളിലേക്ക് പോയിട്ട് യാതൊരു കാര്യവുമില്ല. വിലയില്ലാത്ത ഒരു പേപ്പർ മാത്രമായി അത് മാറും. അതുകൊണ്ട് ജനങ്ങൾ ഇതിലൊന്നും തെറ്റിദ്ധരിക്കപ്പെടരുതെന്നും അദ്ദേഹം ഫേസ്ബുക്ക് പോസ്റ്റിൽ പറയുന്നു.
ഫേസ്ബുക്ക് പോസ്റ്റ് ഇങ്ങനെ….
കേരള സർക്കാർ നേറ്റിവിറ്റി സർട്ടിഫിക്കറ്റ് കൊടുക്കുമത്രേ !
ഇതിന്റെ നിയമപരമായ വാലിഡിറ്റി , പ്രസക്തി എത്രമാത്രം ? കാരണം നാഷണൽ പോപ്പുലേഷൻ രെജിസ്റ്ററും , നാഷണൽ സിറ്റിസൺസ് രെജിസ്റ്ററുമെല്ലാം കേന്ദ്ര ലിസ്റ്റിൽ വരുന്ന കാര്യങ്ങളാണ്. നമ്മുടെ ഭരണഘടനയുടെ 7 ആം ഷെഡ്യൂൾ 1 ആം സെൻട്രൽ ലിസ്റ്റിൽ വരുന്ന കാര്യങ്ങളാണ് ഈ പറയുന്ന പൗരത്വവുമായി ബന്ധപ്പെട്ട എല്ലാ കാര്യങ്ങളും. അതിന് മുകളിലായി സംസ്ഥാനത്തിന്റെ ഏത് അധികാരത്തിന്റെ പേരിലാണ് ഈ സർട്ടിഫിക്കേറ്റുകൾ കൊടുക്കുക ?
ഇത് വെറും തട്ടിപ്പ് പ്രചരണം നടത്താൻ മാത്രമേ ഉപകരിക്കുകയുള്ളൂ. അത് മാത്രമല്ല കേരളത്തിലെ ഭാരതീയ പൗരന്മാരിൽ ആർക്കാണ് ഇതിന്റെ ആവശ്യം വരുന്നത് ?അത് മറ്റൊരു കാര്യം.
വാസ്തവത്തിൽ ഞങ്ങൾ കേന്ദ്ര സർക്കാരിന് മുകളിലാണ് ഞങ്ങൾ കേന്ദ്രത്തിന് മുകളിലായി സർട്ടിഫിക്കേറ്റുകൾ ഇഷ്യൂ ചെയ്യും എന്നൊക്കെ പറയുന്നതുപോലെ ഒരു പണിയാണ്.
തികച്ചും അപലപനീയമായ ഒരു കാര്യമാണ് കേരള സർക്കാർ ചെയ്യുന്നത്. ഇങ്ങനെ സ്വന്തം അധികാരത്തിൽ ഇല്ലാത്ത കാര്യങ്ങളിലേക്ക് പോയിട്ട് യാതൊരു കാര്യവുമില്ല. വിലയില്ലാത്ത ഒരു പേപ്പർ മാത്രമായി അത് മാറും. അതുകൊണ്ട് ജനങ്ങൾ ഇതിലൊന്നും തെറ്റിദ്ധരിക്കപ്പെടരുത്.
