കോട്ടയം :കെ എസ് ടി എ സംസ്ഥാന സമ്മേളനത്തിന്റെ ഭാഗമായുള്ള സമ്മേളനം നടക്കുന്നതിനിടെ മൈതാനത്തിന് പുറത്ത് ചെണ്ടമേളം നടന്നില് പ്രകോപിതനായി മുഖ്യമന്ത്രി പിണറായി വിജയന്. പ്രകടനത്തിന്റെ ഭാഗമായുള്ള വാദ്യമേളമാണ് നടന്നത്.
ഏതു പരിപാടിയുടെ ഭാഗമായുള്ള മേളമാണ് നടക്കുന്നതെന്ന് മുഖ്യമന്ത്രി ചോദിച്ചു. നിങ്ങളുടെ പരിപാടിയില് സംസാരിക്കുന്നത് നിങ്ങള് കേള്ക്കാന് പാടില്ല എന്ന തരത്തിലുള്ള ചെണ്ടകൊട്ടാണ് നടക്കുന്നതെന്നും മുഖ്യമന്ത്രി ചൂണ്ടിക്കാട്ടി.
അതിനിടെ, ജൂണ് മാസത്തിലേക്ക് ഉള്ള പുസ്തകങ്ങള് തയാറായി കഴിഞ്ഞെന്ന് തുടര്ന്ന് സംസാരിച്ച മുഖ്യമന്ത്രി പറഞ്ഞു. ചെന്നിത്തല ഭരണകര്ത്താവ് ആയിരിക്കെ കുട്ടികള്ക്ക് ഫോട്ടോസ്റ്റാറ്റ് എടുത്ത് നല്കേണ്ടി വന്നിട്ടുണ്ട്.
വിദ്യാലയങ്ങളില് വര്ഗീയതയുടെ വിഷവിത്ത് കുട്ടികളുടെ മനസില് ഇടുന്നതിനെതിരെ മുഖ്യമന്ത്രി മുന്നറിയിപ്പ് നല്കി. നാട് ഉപേക്ഷിച്ച പല അന്ധവിശ്വാസങ്ങളും തിരിച്ച് കൊണ്ടുവരാന് ശ്രമിക്കുന്നു. എന്നാല് ശരിയായ ശാസ്ത്രചിന്ത വളര്ത്താന് അധ്യാപകര്ക്ക് കഴിയണം. കേരളത്തില് യഥാര്ത്ഥ ചരിത്രം പഠിപ്പിക്കുന്നുവെന്നും മുഖ്യമന്ത്രി അവകാശപ്പെട്ടു.
