ആലുവ : വരാപ്പുഴയിൽ വൻ മയക്കുമരുന്ന് വേട്ട.രാസ ലഹരിയും ഹാഷിഷ് ഓയിലുമായി യുവാവ് പോലീസ് പിടിയിൽ വരാപ്പുഴ മണ്ണംതുരുത്ത് മുല്ലപ്പിള്ളി ക്കണ്ടം അർജുൻ (30) നെയാണ് വരാപ്പുഴ പോലീസ് പിടികൂടിയത്. ഇയാളിൽ നിന്ന് 24.19 ഗ്രാം എം.ഡി.എം.എ.’15 ഗ്രാം കഞ്ചാവ്; 7 ഗ്രാം ഹാഷിഷ് ഓയിൽ എന്നിവ പിടികൂടി. 4 ലക്ഷം രൂപയും ഇയാളിൽ നിന്ന് കണ്ടെടുത്തു. വിൽപ്പനയ്ക്കായി സൂക്ഷിച്ചിരിക്കുകയായിരുന്നു.
മയക്കുമരുന്ന് വിൽപ്പന സംഘത്തിലെ പ്രധാനിയാണ് ഇയാളെന്ന് കരുതുന്നു. ഡി.വൈ.എസ്.പി എസ്. ജയകൃഷ്ണന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. ഇൻസ്പെക്ടർ എസ്.സുധീഷ് കുമാർ, എസ്.ഐ എം.എസ് ഷെറി, സീനിയർ സി പി ഒ ഹരീഷ് സി പി ഒ മാരായ സുമേഷ്, വിനീഷ് , യദു കൃഷ്ണൻ എന്നിവരാണ് അന്വേഷണ സംഘത്തിലുണ്ടായിരുന്നത്.
